कुडाळ: पोलिस व्हॅनचा अपघात

0

कुडाळ : मुंबई-गोवा महामार्गावर पिंगुळी वडगणेश मंदिर जवळ पोलिस व्हॅन दुभाजकात येथे आदळून झालेल्या अपघातात सात पोलिस कर्मचारी जखमी झाले. हा अपघात गुरूवारी सकाळी ११.४० वा.च्या सुमारास घडला. घटनास्थळी नागरिकांची गर्दी झाली होती. ओरोसहून सावंतवाडीच्या दिशेने दंगल नियंत्रक पथक (आर.सी.पी) व्हॅन जात होती. यात बारा पोलिस कर्मचारी होते. चालकाचे गाडीवरील नियंत्रण सुटून व्हॅन नवीन रस्त्याच्या मधोमध असलेल्या दुभाजकावर चढली आणि जोरात आदळली. या धडकेनंतर ही व्हॅन परत कुडाळच्या दिशेने उलटी फिरली. यात आनंद शांताराम नाईक (५०, रा. सावंतवाडी), प्रमोद धोंडू गोलतकर (५४), गजनानन विलास काटकर (३३), बाबुराव नकुल जाधव (३७),अभिजित सुभाष मोरे (३२), अर्जुन सगुण जाधव (३७) व महेंद्र माणिक नारनवर (३०, सर्व रा. ओरोस) या सात पोलिस कर्मचाऱ्यांना किरकोळ दुखापत झाली. या सर्वांवर कुडाळ येथील ग्रामीण रूग्णालयात उपचार करण्यात आले.

Whats-App-Image-2020-07-07-at-10-56-03-AM


LEAVE A REPLY

Please enter your comment!
Please enter your name here