निऱ्यापासून चक्क साखर तयार करण्याचा यशस्वी प्रयोग रत्नागिरीतील भाट्ये नारळ संशोधन केंद्रामध्ये करण्यात आला आहे. विशेष म्हणजे मधुमेह असलेल्या रूग्णांसाठी ही साखर सगळ्यात उपयुक्त असणार आहे. नीरा हे पेय नारळाच्या नवीन बंद पुष्पसंभारापासून काढले जाते. त्यामध्ये साखर केवळ १४ ते १८ टक्के असते. ऊसापासून तयार केलेल्या साखरेत ग्लाईसेमिक निर्देशांक हा ६५ एवढा असतो. मात्र नीरेमध्ये साखरेचा ग्लाइसेमिक निर्देशांक ३५ एवढा कमी असल्यामुळे मधुमेह असणाऱ्या व्यक्तीस ही साखर आरोग्यदायी ठरणार आहे. नारळाच्या पुष्पसंभारातून सुर्योदयापूर्वी जो रस येतो त्याला निरा असे संबोधले जाते. पुष्पसंभाराला छेद देवून त्याचा जो रस गळतो तो एकत्र करून निरा तयार होतो. यापासून साखर, मध तयार केले जाऊ शकते.मानवाच्या आरोग्याच्या दृष्टीने निरा हे अतिशय उपयुक्त मानले जाते. नारळाची लागवड कोकणात मोठी आहे. त्यामुळे नीरेचे उत्पादनही फायदेशीर ठरणारं आहे. निरमधील ग्लेसिमेक्स इंडेक्स हा ३२ आहे आणि उसाचा ग्लेसिमेक्स इंडेक्स हा ६५ इतका आहे. भारतात अंदाजे ६० ते ६५ रूग्ण हे मधुमेहाशी निगडीत रोग झालेले आहेत. गोड खायचे असेल तर निरापासून तयार केलेली मिठाई आणि गोड पदार्थ मधुमेह झालेले रूग्ण खावू शकतात हे निष्पन्न झाले आहे. नीरेपासून साखर तयार करण्याची प्रक्रिया अतिक्षय सोपी आहे. त्यासाठी नारळ्याच्या झाडावर असलल्या नारळाच्या पुष्पसभाराला म्हणजे पोईला दोरीन घट्ट बांधावे लागते. बांधून झाल्यावर पोयीचा समोरचा भाग कोयतीने कापायचा व त्यानंतर नीरा संकलन करण्यासाठी तयार केलेले भांडे पोयीच्या पुढे लावायचे. दुस-या दिवशी नीरा सूर्योदयापूर्वी काढायची पध्दत आहे.