फडणवीसांनी केलेल्या सत्ताबदलासंदर्भातील वक्तव्यावर संजय राऊतांचे प्रत्युत्तर, म्हणाले…

0

मुंबई : विरोधी पक्षनेते देवेंद्र फडणवीस यांनी सत्ताबदलासंदर्भात वक्तव्य केल्यानंतर शिवसेना नेते खासदार संजय राऊत यांनी त्यांना प्रत्युत्तर दिलंय. पंढरपूर-मंगळवेढा मतदारसंघातील पोटनिवडणुकांच्या प्रचारासाठी देवेंद्र फडणवीस आज पंढरपूरात पोहोचले आहेत. त्या, पार्श्वभूमीवर आयोजित प्रचारसभेत बोलताना फडणवीस यांनी महाविकास आघाडी सरकारवर जोरदार टीका केली. तसेच, सरकार पाडण्याचं माझ्यावर सोडा, असेही त्यांनी म्हटलं. एका मतदारसंघाच्या निवडणुकीने काय फरक पडणार आहे, त्याने काय सरकार बदलणार आहे का, असे अनेकांना वाटत असेल. पण, सरकार कधी बदलायचं ते माझ्यावर सोडा, सरकारला जागा दाखवून देण्याची पहिली संधी मंगळवेढा-पंढरपूर मतदारसंघाला आहे, असे देवेंद्र फडणवीस यांनी म्हटले होते. फडणवीसांच्या या वक्तव्याला राऊत यांनी प्रत्युत्तर देताना, सरकार पाडल्यानंतर आम्ही तुमचं अभिनंदन करू, असे म्हटलंय. सत्ता बदलाचं आम्ही त्यांच्यावरच सोडलंय आम्ही. पण, त्यांनी पंढरपूरात जाऊन हे विधान केल्यामुळे प्रत्यक्ष विठोबा-माऊलीसुद्धा अत्यंत सावध झाली असेल. पण, विठु-माऊलीचा आशीर्वाद आमच्यासोबत आहे. विरोधी पक्षाला अशी भाषणं करावीच लागतात. यापूर्वी आम्हीही अशी भाषणं केलेली आहेत, लोकांमध्ये उत्साह आणण्यासाठी, त्यांचे आमदार एकत्र ठेवण्यासाठी देवेंद्र फडणवीस तसे भाषण करत असतील, असे संजय राऊत यांनी म्हटलंय. या काळात सरकार पडणार, सरकार पाडणार, सरकार अस्थिर करणार हे, जेव्हा ते पाडतील तेव्हा त्यांचं अभिनंदन करू, असेही राऊत यांनी म्हटलंय.

Whats-App-Image-2020-07-07-at-10-56-03-AM

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
5:14 PM 12-Apr-21

LEAVE A REPLY

Please enter your comment!
Please enter your name here