रत्नागिरी : सर्वोच्च न्यायालयाने पदोन्नती मध्ये आरक्षण देण्याचे निर्देश राज्य शासनाना दिले आहेत. पदोन्नती मध्ये आरक्षण हा सर्व मागासवर्गीयांचा हक्क आहे. त्यामुळे पदोन्नती मध्ये आरक्षणाचा निर्णय राज्य शासनाने त्वरीत घ्यावा, या मागणीसाठी 1 जून ते 7 जूनपर्यंत रिपब्लिकन पार्टी ऑफ इंडिया (आठवले गट) तर्फे राज्यभर आंदोलन करण्यात येणार असल्याची घोषणा रिपब्लिकन पार्टी ऑफ इंडियाचे राष्ट्रीय अध्यक्ष केंद्रीय सामाजिक न्याय राज्य मंत्र रामदास आठवले यांनी केली आहे. महाविकास आघाडी सरकार स्वतःला पुरोगामी म्हणणारे सरकार असले तरी पदोन्नती मधील मागासवर्गीयांच्या आरक्षण प्रश्नी महाविकास आघाडी सरकारचा बुरखा फाटला आहे. महाविकास आघाडी सरकार हे मागासवर्गीय विरोधी सरकार ठरले आहे. मागासवर्गीयांना पदोन्नति मध्ये आरक्षण देण्याचा निर्णय राज्य शासनाने त्वरीत घ्यावा या मागणीसाठी रत्नागिरी जिल्ह्यातील प्रत्येक तालुक्यातुन कोविड -19 चे नियम पाळून सर्व तहसिल कार्यालयात निवेदन देवून दिनांक 9 जून रोजी रत्नागिरी जिल्हाधिकारी कार्यालयासमोर जेल भरोआंदोलन करण्यात येणार असल्याची माहीती सुरेश सावंत, अध्यक्ष रिपब्लिकन पार्टी ऑफ इंडिया रत्नागिरी जिल्हा यानी दिली आहे.
रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
3:34 PM 02-Jun-21