सोमवारपासून पुण्यातील दुकाने सायंकाळी ७ पर्यंत खुली ठेवण्याचा विचार; अजित पवारांचे संकेत

0

पुणे : पुणे आणि पिंपरी-चिंचवड शहरातील कोरोना निर्बंध शिथिल करण्यासंदर्भात येत्या सोमवारी निर्णय घेऊ, असे उपमुख्यमंत्री अजित पवार यांनी पुण्यात शनिवारी पत्रकार परिषदेत सांगितले. पुणे विभागीय आयुक्त कार्यालयात शनिवारी झालेल्या कोरोना आढावा बैठकीनंतर अजित पवार पत्रकार परिषदेत बोलत होते. विभागीय आयुक्त सौरभ राव, जिल्हाधिकारी डॉ. राजेश देशमुख उपस्थित होते. मार्केट यार्डातील व्यापारी आणि शहरातील सर्वच व्यापाऱ्यांनी दुकानांची वेळ वाढवण्याची मागणी केली आहे. त्यामुळे दुकानांची वेळ ७ वाजेपर्यंत वाढवण्याची मागणी आहे. सध्या सोमवार ते शुक्रवार असे सकाळी ७ ते दुपारी ४ वाजेपर्यंत दुकाने सुरू आहेत. त्यामुळे वेळ वाढवण्यासंदर्भात मंत्रालयात मुख्यमंत्री उद्धव ठाकरे यांच्याशी चर्चा करून निर्णय घेणार असल्याचे अजित पवारांनी स्पष्ट केले. पवार म्हणाले, पुणे शहराचा कोरोनाबाधित दर ३.९ इतका आहे. सध्या निर्बंध हे तिसऱ्या लेव्हलचे आहेत. तिसऱ्या लाटेचा दृष्टीने काम सुरू आहे, जिल्हा प्रशासनाने चांगली काम केले आहेत. शासनाने दुसऱ्या लाटेत झालेली सर्वाधिक रुग्णवाढपेक्षा तिसऱ्या लाटेत दीडपट रुग्ण होण्याचा अंदाज ठेवून बेडचे नियोजन करण्याच्या सूचना केल्या आहेत. कोरोना प्रतिबंधक लसीचे दोन्ही डोस घेतलेल्या नागरिकांना काही सवलती देण्याचा विचार सुरू आहे. दोन डोस घेतलेल्या नागरिकांना सवलत दिल्याने ज्यांनी लस घेतली नाही ते लस घेण्यास पुढे येतील, असा आशावाद त्यांनी यावेळी व्यक्त केला. 

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
6:01 PM 24-Jul-21

LEAVE A REPLY

Please enter your comment!
Please enter your name here