चिपळूण : सामाजिक कामात पुढाकार घेणाऱ्या लब्बैक कमिटी चिपळूणच्या माध्यमातून कोव्हिड आणि महापुराच्या काळात उल्लेखनीय काम करणाऱ्या संस्था व व्यक्तींचा सन्मान दि. २५ रोजी आ. शेखर निकम यांच्या हस्ते करण्यात येणार आहे. चिपळुणातील लब्बैक कमिटीतर्फे सोमवारी दुपारी ३.३० वा. सावर्डे येथील डी. एड्. महाविद्यालयाच्या सभागृहात या सोहळ्याचे आयोजन केले आहे. गेल्या दीड वर्षाच्या कालावधीत संसर्गबाधेच्या काळामध्ये अनेक वैद्यकीय कर्मचाऱ्यांसह काही सामाजिक कार्यकर्त्यांनी मोठे योगदान देऊन अनेकांना विविध प्रकारची मदत केली. त्यातून अनेक व्यक्तींचे प्राण वाचले. सामाजिक संस्था व कार्यकर्ते यांचा सत्कार आ. शेखर निकम यांच्या हस्ते आयोजित करण्यात आला आहे. काँग्रेस तालुकाध्यक्ष प्रशांत यादव, तहसीलदार जयराज सूर्यवंशी, माजी सभापती पूजा निकम, तालुका वैद्यकीय अधिकारी डॉ. ज्योती यादव, सावर्डेचे वैद्यकीय अधिकारी अजय पाटील, सरपंच समिक्षा बागवे, उपसरपंच जमीर मुल्ला, तंटामुक्ती अध्यक्ष बाबू चव्हाण आदी मान्यवर उपस्थित राहाणार आहेत.
रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
12:56 PM 25-Oct-21
