खेड : देशात गेल्या काही दिवसांपासून होत असलेल्या पेट्रोल व डिझेल दरवाढीला केंद्रातील भाजप सरकार जबाबदार असल्याचा आरोप करत रविवार, दि. ३१ रोजी खेडमध्ये शिवसैनिक व युवासैनिकांनी सायकल व बैलगाडी घेऊन निषेध रॅली काढली. खेडमध्ये शिवसेना तालुकाप्रमुख विजय जाधव, माजी जिल्हाप्रमुख शशिकांत चव्हाण, सचिन धाडवे, संजय गुजर, युवा सेना जिल्हाधिकारी अजिंक्य मोरे, दर्शन महाजन यांसह शिवसेना, युवासेना, महिला आघाडी पदाधिकारी व कार्यकर्ते यांनी रविवारी सकाळी भरणे येथील श्री. काळकाई मंदिर परिसरातून इंधन दरवाढी विरोधात निषेध रॅली काढली. या रॅलीत सायकल व बैलगाडी घेऊन कार्यकर्ते सहभागी झाले होते. पेट्रोल व डिझेल दर वाढण्याला केंद्र सरकारच जबाबदार असून तत्काळ दर कमी करा, अशा मागण्या करत सरकारचा निषेध करण्याच्या घोषणा देऊन कार्यकत्यांनी परिसर दणाणून सोडला. भरणे येथून निघून खेड शहरातील छत्रपती शिवाजी महाराज चौकात या निषेध रॅलीचा समारोप झाला. या रॅलीच्या मार्गावर पोलिसांचा बंदोबस्त तैनात करण्यात आला होता.
रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
1:38 PM 01-Nov-21
