एकदा नव्हे तर तीनदा सापाने केला दंश; सलमान खानने सांगितली घडलेली घटना

0

मुंबई : बॉलिवूड अभिनेता सलमान खान याला पनवेलच्या फार्म हाऊसवर सापाने दंश केला होता. सापाने दंश केल्यानंतर सलमान खान याच्यावर कामोठे येथील एमजीएम रुग्णालयात उपचार करण्यात आले.

सलमान खानला एकदा नव्हे तर तीनदा सापाने दंश केला. या घडलेल्या घटनेबाबत सलमान खान याने घडलेल्या घटनेबाबत माध्यमांना सांगितले.

वाढदिवसाच्या पूर्वसंध्येला सलमान खानने माध्यमांच्या प्रतिनिधींशी संवाद साधला. सलमान खानने संपूर्ण घटनाक्रम सांगितला. त्याने म्हटले, फार्म हाऊसमधील खोलीत सापाने शिरकाव केला. त्यावेळी घरातील लहान मुले प्रचंड घाबरली होती. सापाला बाहेर काढण्यासाठी मी लाकडाची काठी मागितली, ती लहान होती. त्यानंतर लाकडाची मोठी काठी मला देण्यात आली. या काठीच्या आधारे मी सापाला काळजीपूर्वक उचलले आणि घराबाहेर आणले. काठीवर असलेला साप माझ्या हाताच्या दिशेने येत होता. सापाला घराबाहेर नेत असताना मी दुसऱ्या हातात काठी घेतली आणि त्याला घराबाहेर सोडले.

सलमान खानने म्हटले की, तेथे असलेल्या लोकांना आणि स्थानिक ग्रामस्थांना तो साप कंदारी प्रकारचा आहे. मात्र, त्या ठिकाणी होत असलेल्या आरडाओरड, गोंधळामुळे सापाने एकदा नव्हे तर तीनदा दंश केला. त्यानंतर आम्ही रुग्णालयात गेलो. त्या ठिकाणी मला अॅण्टी-वेनम इंजेक्शन देण्यात आले. आतापर्यंत मी सर्व प्रकारचे अॅण्टी-वेनम इंजेक्शन घेतले असल्याचे सलमान खानने म्हटले.

सलमानने पुढे सांगितले की, सर्पदंशाच्या घटनेनंतर त्याला 6 तास रुग्णालयात ठेवण्यात आले होते, त्यानंतर त्याला घरी येण्याची परवानगी देण्यात आली. साप चावल्यानंतर सलमान खानला नवी मुंबईतील कामोठे येथील महात्मा गांधी मिशन रुग्णालयात दाखल करण्यात आले होते. सलमान म्हणाला, हॉस्पिटल सर्व सुविधांनी सुसज्ज होते. त्यांच्याकडे सर्व प्रकारचे अँटी व्हेनम उपलब्ध होते.” स्थानिक पोलीस आयुक्त बिपिन कुमार आणि आमदार संदीप नाईकदेखील तेथे दाखल झाले.

सलमान खानने म्हटले की, सापाने दंश केला तेव्हा बहीण अर्पिता खूपच घाबरली होती. तोपर्यंत माझी आणि सापाची मैत्री झाली होती. त्याच्यासोबत मी सेल्फीदेखील काढला असल्याचे सलमानने हसत-हसत सांगितले.

सर्पदंशाच्या घटनेनंतर वडील सलीम खान यांच्याशी सलमानचे बोलणे झाले. सलीम खान यांनी सलमान खानची फिरकीच घेतली. सलीम खान यांनी साप जिवंत आहे का, याची विचारणा केली होती. त्यावेळी टायगर ही जिवंत आहे आणि सापदेखील जिवंत असल्याचे सांगितले. सापाला मारले नाही, असेही त्यांनी विचारणा केली. त्यावर मी सापाला प्रेमाने, काळजीपूर्वक सोडून दिले असल्याचे सांगितले.

सलमान खानने आपला 56 वा वाढदिवस जवळचे मित्र आणि नातेवाईकांच्या उपस्थितीत साजरा केला. फार्म हाऊसवर केक कापताना सलमानसोबत त्याची बहीण अर्पिता, तिचा पती आयुष शर्मा आणि उलिया वंतूरदेखील उपस्थित होते. त्याशिवाय, हॉलिवूड अभिनेत्री समंथा लॉकवूड, संगीता बिजलानी, बॉबी देओल, जेनेलिया डिसोझा, कास्टिंग डायरेक्टर मुकेश छाबरा, निर्माता साजिद नाडियादवाला (कुटुंबासह), निर्माता रमेश तौरानी, ​​सैफ अली खानचा मुलगा इब्राहिम अली खान, झहीर इक्बाल, निखिल द्विवेदी (कुटुंबासह) , मनीष पॉल, वत्सल सेठ, माजी काँग्रेस आमदार बाबा सिद्दीकी आणि काही निवडक लोक उपस्थित होते.

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
11:49 AM 27-Dec-21

LEAVE A REPLY

Please enter your comment!
Please enter your name here