अॅड. गुणरत्न सदावर्ते यांना १४ दिवसांची न्यायालयीन कोठडी

0

मुंबई : जेष्ठ नेते शरद पवार यांचं निवासस्थान सिल्व्हर ओक हल्ला प्रकरणात वकील गुणरत्न सदावर्ते यांना १४ दिवसांची न्यायालयीन कोठडी सुनावण्यात आली आहे. मुंबईतील गिरगाव न्यायालयाने सदावर्तेंना न्यायालयीन कोठडी सुनावली. ४ दिवसांपासून सदावर्ते पोलिस कोठडीत होते. आजही सरकारी वकिल अॅड प्रदीप घरत यांनी जोरदार युक्तीवाद करत सदावर्तेंच्या पोलिस कोठडीची मागणी केली होती. पण सदावर्तेंच्या वकील मृण्मयी कुलकर्णी यांना अॅड घरत यांचे आरोप खोडून काढत सदावर्तेंना पोलिस कोठडी का देऊ नये, अशा प्रकारचा युक्तीवाद केला. पोलिसांच्या भूमिकेवर प्रश्नचिन्ह उपस्थित करताना वकील मृण्मयी कुलकर्णी यांनी सूडबुद्धीने पोलिस कारवाई करत असल्याचा आरोप केला. तसंच आरोपींना पोलिस कोठडी का हवी, याचं एकही कारण किंवा पुरावा पोलिस देऊ शकले नाहीत. सूडभावनेने पोलिस सदावर्तेंशी वागत आहेत, असं त्या म्हणाल्या. न्यायालयाने दोन्ही बाजूंचा युक्तीवाद ऐकल्यानंतर गुणरत्न सदावर्ते यांना १४ दिवसांची न्यायालयीन कोठडी सुनावली. न्यायमूर्ती एन. एम. पटेल यांच्या खंडपीठाने हा निर्णय दिला.

सरकारी वकील अॅड प्रदीप घरत यांनी आजही आक्रमक पद्धतीने बाजू मांडत सदावर्ते यांच्यासाठी ७ दिवसांची पोलिस कोठडी मिळावी, अशा पद्धतीचा युक्तीवाद केला. पोलिसांच्या हाताला महत्त्वाचं सीसीटीव्ही फुटेज लागलं आहे. तसंच चार दिवसांच्या तपासात इतरही धक्कादायक गोष्टी समोर आल्या असून त्याकरिता सदावर्ते यांना पोलिस कोठडीची गरज असल्याचं घरत यांनी न्यायालयाला सांगितलं. दुसरीकडे सदावर्ते यांच्या वकील अॅड मृण्मयी कुलकर्णी यांनीही घरत यांची बाजू तेवढ्याच आक्रमक पद्धतीने खोडून काढत सदावर्ते यांना पोलिस कोठडीची कशी गरज भासत नाही, हे न्यायालयाच्या निदर्शनास आणून दिलं. जवळपास एक तासाच्या युक्तीवादानंतर न्यायालयाने सदावर्ते यांना १४ दिवसांच्या न्यायालयीन कोठडीत पाठविण्याचा निर्णय दिला.

सरकारी वकिल अॅड प्रदीप घरत यांनी कोर्टात कोणता युक्तीवाद केला?

या प्रकरणात जयश्री पाटील यांनी भूमिका समोर आली असून त्यांच्याकडे २ कोटींहून अधिक पैसे जमा करण्यात आला
सदावर्ते यांनी लिहून ठेवलेल्या सर्व हिशोबाची डायरी पोलिसांच्या हाती लागलीय, हा सर्व पैसे कुठे खर्च झाला, याचा तपास पोलिसांना करायचाय
त्यामुळे सदावर्ते यांना ७ दिवसांची पोलिस कोठडी मिळावी

मृण्मयी कुलकृर्णी (सदावर्ते यांच्या वकील) यांनी कोणता युक्तीवाद केला?

जयश्री पाटील यांचं नाव एफआयआरमध्ये कुठेच नसून त्यांना तुम्ही फरार कसं म्हणता?
जयश्री पाटील यांना आरोपी करणं चुकीचं
पोलिसांकडे सीसीटीव्ही आहे, तर मग तपासात काय निष्पन्न झालं
सगळा डेटा पोलिसांकडे आहे तर मग उशिर कशाला
नागपूरचा व्यक्ती कोण, त्याचं संबंध काय? याचा पुरावा पोलिस देऊ शकले नाहीत
पैशांसंदर्भात एकही तक्रार नाही, मग संबंध कुठे?
आरोपींना पोलिस कोठडी कशासाठी, याची एकही बाजू सरकारी वकिल कोर्टाला सांगू शकले नाहीत
पोलिसांकडे असलेले पुरावे कोर्टात हजर करणं गरजेचं असतं, पण आजही सरकारी वकिलांनी कोणतेही पुरावे दिलेले नाहीत
कोर्टाने आरोपींना न्यायालयीन कोठडी द्यावी

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
5:21 PM 13-Apr-22

LEAVE A REPLY

Please enter your comment!
Please enter your name here