रत्नागिरी जिल्हा बँकेच्या कार्यकारी संचालकपदी अजय चव्हाण यांची नियुक्ती

0

रत्नागिरी : रत्नागिरी जिल्हा मध्यवर्ती सहकारी बँकेच्या कार्यकारी संचालकपदी अजय चव्हाण यांची नियुक्ती करण्यात आली असून चव्हाण यांनी बुधवारी पदभार स्वीकारला.

यापूर्वीचे कार्यकारी संचालक सुनील गुरव मंगळवारी सेवानिवृत्त झाले. त्यांच्या जागी अजय चव्हाण यांची नियुक्ती करण्याचा निर्णय मंगळवारी झालेल्या संचालक मंडळाच्या बैठकीत घेण्यात आला होता.

अजय चव्हाण १६ जुलै १९९० रोजी असिस्टंट इन्स्पेक्टर म्हणून जिल्हा बँकेत रुजू झाले. सिनियर इन्स्पेक्टर, तालुका इन्स्पेक्टर, अधीक्षक, सहाय्यक सरव्यवस्थापक, उपसरव्यवस्थापक, सरव्यवस्थापक आदी पदांवर त्यांनी काम केले. दि. १ नोव्हेंबर २०१८ पासून श्री. चव्हाण सरव्यवस्थापक पदावर काम करत होते. बुधवारपासून त्यांनी कार्यकारी संचालक म्हणून कामकाजाला सुरुवात केली आहे. बँकेच्या सेवेत रुजू झाल्यानंतर चव्हाण यांनी विविध पदांवर प्रामाणिकपणे काम करत बँकेला प्रगतिपथावर नेण्याचा प्रयत्न केला. त्यामुळे त्यांच्या कामाची दखल संचालक मंडळाने घेतली आणि विशेषतः जिल्हा बँकेचे अध्यक्ष डॉ. तानाजीराव चोरगे यांनी श्री. चव्हाण यांच्यावर कार्यकारी संचालकपदाची जबाबदारी सोपवली आहे. संचालक मंडळ तसेच अध्यक्ष डॉ. तानाजीराव चोरगे यांनी आपल्यावर जो विश्वास दाखवला आहे, त्या विश्वासाला पात्र राहत बँकेला प्रगतिपथावर नेण्याचा आपला प्रयत्न असेल, अशी ग्वाही चव्हाण यांनी दिली.

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
10:26 AM 14-Apr-22

LEAVE A REPLY

Please enter your comment!
Please enter your name here