”जून महिन्याआधी उद्धव ठाकरे मुख्यमंत्रिपदावरुन जाणार” : नारायण राणे

0

मुंबई : केंद्रीय मंत्री नारायण राणेंनी ठाकरे सरकार कोसळण्याच्या तारखा याआधी भरपूर वेळा जाहीर केल्या आहेत. आता पुन्हा एकदा नारायण राणेंनी ठाकरे सरकार कोसळण्याची तारीख जाहीर केली आहे. जून महिन्याआधी उद्धव ठाकरे मुख्यमंत्रिपदावरुन जातील, अशी भविष्यवाणी नारायण राणेंनी केली आहे.

मनसेचं इंजिन सध्या हिंदुत्वाच्या ट्रॅकवर धावत आहे. याच पार्श्वभूमीवर भाजप-मनसे युतीची जोरदार चर्चाही सुरु आहे. इकडे मुंबई महापालिकेतील सत्ताधारी शिवसेनेचा कथित भ्रष्टाचार बाहेर काढण्यासाठी भाजपच्या पोलखोल अभियानाची सुरुवात झाली आहे. अशा सगळ्या पार्श्वभूमीवर राज्यातील राजकीय वातावरण जोरदार तापलं आहे. अशा तापलेल्या वातावरणात सरकार पडण्याची नवी तारीख नारायण राणेंनी जाहीर केली आहे.

आमच्याकडे कोकणात मे अखेरीस आणि जून महिन्याच्या पहिल्या आठवड्यात अनेक वादळं येतात. या वादळात हलणारी झाडं फांद्यासकट कोसळून पडतात. त्याच प्रकारे राज्यात तीन पक्षांचं एक झाड आहे. त्या झाडाच्या फांदीवर मुख्यमंत्री आहेत. ते खोडावर नाहीयेत. ते जून महिन्याच्या अगोदर मुख्यमंत्रिपदावरुन जाणार, अशी भविष्यवाणी नारायण राणे यांनी वर्तवली आहे.

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
6:03 PM 19-Apr-22

LEAVE A REPLY

Please enter your comment!
Please enter your name here