राज ठाकरेंच्या घरी पोलीस नोटीस घेऊन जाण्याची शक्यता

0

मुंबई : मनसे अध्यक्ष राज ठाकरे यांच्यावर औरंगाबादेतील सभेत पोलिसांनी घालून दिलेल्या अटी न पाळल्याने गुन्हा दाखल झाला आहे. औरंगाबाद शहरातील सिटी पोलीस स्टेशनमध्ये राज ठाकरेंवर तीन कलमान्वये गुन्हे दाखल झाले आहेत. कलम ११६, कलम ११७ आणि कलम १५३ अंतर्गत राज ठाकरे यांच्यावर कारवाई करण्यात आली आहे. राज ठाकरे यांच्यावर गुन्हा दाखल झाल्यानंतर पोलिस त्यांच्या शिवतीर्थ या निवासस्थानी नोटीस देण्यासाठी जाऊ शकतात, अशी शक्यता वर्तविण्यात येत आहे.

राज ठाकरे यांनी भोंग्यासंदर्भात ४ तारखेपर्यंतचा अल्टीमेटम दिला आहे. जर मशिदीवर भोंगे काढले गेले नाहीत तर दुप्पट आवाजात हनुमान चालिसा लावण्याचे आदेश राज ठाकरे यांनी मनसे कार्यकर्ते आणि पदाधिकाऱ्यांना दिले आहेत. उद्याच्या आंदोलनाच्या पार्श्वभूमीवर राज ठाकरे यांना १४९ ची नोटीस दिली जाऊ शकते, अशी शक्यता वर्तविण्यात येतीये.

कलम ११६, कलम ११७ आणि कलम १५३ अंतर्गत राज ठाकरेंवर गुन्हा

मनसे अध्यक्ष राज ठाकरे यांची महाराष्ट्रदिनी औरंगाबादेतील मराठवाडा सांस्कृतिक मंडळाच्या ऐतिहासिक मैदानात सभा पार पडली. या सभेला परवानगी मिळण्यावरुनही बराच वाद झाला. पण अखेर आठवडाभराच्या चर्चेनंतर पोलिसांनी आयोजकांना सभेसाठी परवानगी दिली. परवानगी देताना राज ठाकरे यांना १६ अटी घालून देण्यात आल्या. यामध्ये सभेसाठी लोकांची संख्या, लाऊड स्पीकरचा आवाज, आक्षेपार्ह वक्तव्य न करणं, चिथावणीखोर वक्तव्य न करणं, अशा अनेक अटी घालून देण्यात आल्या होत्या. पण यातील बहुतांश अटींचं राज ठाकरे यांनी उल्लंघन केलं. अखेर राज ठाकरेंसह सभेचे आयोजक राजीव जेवळीकर आणि इतर आयोजकांवर पोलिसांनी गुन्हे दाखल केले आहेत. कलम ११६, कलम ११७ आणि कलम १५३ अंतर्गत पोलिसांनी गुन्हे दाखल केले आहेत.

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
5:05 PM 03-May-22

LEAVE A REPLY

Please enter your comment!
Please enter your name here