मोदी-शाहांनीच मसणात जावं, चंद्रकांत पाटील-सुप्रिया सुळे वादात दीपाली सय्यद यांची उडी

0

मुंबई : भाजपाचे प्रदेशाध्यक्ष चंद्रकांत पाटील यांनी खासदार सुप्रिया सुळे यांच्यावर शेलक्या भाषेत टीका केली होती. यावेळी त्यांनी सुप्रिया सुळे यांनी मसणात जावं असं म्हटलं. त्यावरुन आता राष्ट्रवादी काँग्रेस आक्रमक झाली असून चंद्रकांत पाटलांवर मोठ्या प्रमाणात टीका केली जात आहे. त्यातच आता या वादात शिवसेना नेत्या दीपाली सय्यद यांनी उडी घेत नवीन वादाला तोंड फोडलंय. पंतप्रधान नरेंद्र मोदी आणि देशाचे गृहमंत्री अमित शाहांनी मसणात जावं, असं दीपाली सय्यद म्हणाल्या आहेत.

IMG-20220514-WA0009

“मोदींनी मसनात जा अमित शाहांनी मसनात जा, महागाई आटोक्यात आणता येत नसेल ना तर हिमालयात जाऊन संन्यास घ्या”, अशी घणाघाती टीका दीपाली सय्यद यांनी केलीये. तसं ट्विट त्यांनी केलं आहे.

काय म्हणाले होते चंद्रकांत पाटील?

खासदार सुळे यांनी मध्यप्रदेशच्या सरकारने दोन दिवसांमध्ये दिल्लीत असं काय केलं ज्यामुळे मध्य प्रदेशात आरक्षण मिळालं, असा सवाल केंद्र सरकारला विचारला होता. त्यावर चंद्रकांत पाटील यांनी त्यांना टोला लगावला होता. ‘कशाला राजकारणात राहाता, घरी जा, स्वयंकाप करा. खासदार आहात ना तुम्ही, कळत नाही मुख्यमंत्र्याची भेट कशी घ्यायची. कळत नाही एक शिष्टमंडळ पाठवायचं, आता घरी जाण्याची वेळ झालीये. तुम्ही दिल्लीत जा नाहीतर म्हसनात जा, शोध घ्या आणि आरक्षण द्या’, असं चंद्रकांत पाटील म्हणाले होते.

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
6:07 PM 26-May-22

LEAVE A REPLY

Please enter your comment!
Please enter your name here