राज्यसभा उमेदवारीवरून केसरकरांचा उद्धव ठाकरेंवर आरोप; त्यावर संभाजीराजे म्हणाले..

0

पुणे : संभाजीराजे छत्रपती यांना राज्यसभेची खासदारकी दिली नाही. शिवाजी महाराजांचे नाव घेऊन पक्ष चालवण्याचा उद्धव ठाकरे यांना अधिकार नाही असा आरोप पत्रकार परिषदेत शिंदे गटातील मंत्री दीपक केसरकर यांनी केला होता. केसरकरांनी केलेल्या या आरोपावर पत्रकारांनी संभाजी राजेंना त्यांचे मत विचारले.

पुण्यात पत्रकारांशी बोलताना संभाजीराजे यांना दीपक केसरकरांनी उद्धव ठाकरेंवर केलेल्या आरोपाबद्दल विचारण्यात आले. त्यावर उत्तर देताना राजे म्हणाले, तो विषय माझ्यासाठी इतिहास झाला आहे. माझे जे काही मत होते ते मी राज्यसभेतून बाहेर पडताना शिवाजी महाराजांचे स्मरण करून बोललो आहे. आता त्यावर मला काहीही भाष्य करायचे नाही. माझ्यात आणि शिवसेनेमध्ये राज्यसभेच्या उमेदवारीवरून ड्राफ्ट तयार करण्यात आला होता हे सत्य आहे. दिलेला शब्द त्यांनी पाळला नाही हे देखील सत्य आहे.

राज्यसभेची उमेदवारीवरून जे काही झाले तो विषय माझ्यासाठी संपलेला आहे आणि मला त्या विषयी काहीही चर्चा करायची नाही. केसरकर जे काही बोलले असतील त्या त्यांच्या भावना आहेत. माझी मते मी तेव्हाच पत्रकार परिषदेत स्पष्टपणे आणि सविस्तरपणे सांगितली होती, असे संभाजीराजे छत्रपती यांनी सांगितले.

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
03:39 PM 20/Aug/2022

LEAVE A REPLY

Please enter your comment!
Please enter your name here