सावर्डे येथे अपघातात जखमी झालेल्या रत्नागिरीतील मानसोपचार तज्ञ डॉ. समीक्षा जाधव-पोळ यांचा मृत्यू

0

चिपळूण : सावर्डे येथील कार अपघातात गंभीररीत्या जखमी झालेल्या जिल्हा रुग्णालयातील डॉक्टर समीक्षा जाधव पोळ यांचा अखेर उपचार दरम्यान मृत्यू झाला. त्यांच्या मृत्यूची बातमी कळताच सर्वत्र हळहळ व्यक्त करण्यात येत आहे.

मुंबई-गोवा महामार्गावर सावर्डे पासून 3 किलोमीटर अंतरावर असलेल्या आगवे येथे मारुती अल्टो कार आणि टू व्हीलर यांच्यात अपघात झाला होता. अपघातानंतर कार 60 ते 70 फूट खोलदरीत नाल्यामध्ये कोसळली होती. या अपघातात अल्टो कार मधील दोन जण जखमी आहेत. यामध्ये रत्नागिरी सिव्हील हॉस्पिटल येथील मानसोपचार तज्ञ डॉ. समीक्षा जाधव पोळ या गंभीर जखमी झाल्या होत्या. त्यांच्यावर मुंबई येथे उपचार सुरू असताना बुधवारी सायंकाळी त्यांचा मृत्यू झाला. त्यांची मृत्यूशी झुंज अखेर अपयशी ठरली. त्यांच्या मृत्यूने रत्नागिरी सिव्हील हॉस्पिटल येथील डॉक्टरांमध्ये हळहळ व्यक्त होत आहे.

29 सप्टेंबर रोजी डॉ. समीक्षा जाधव या आपल्या पतीसह चिपळूण येथे एका कॅम्प साठी जात होत्या. यावेळी त्यांच्या गाडीला समोरून येणाऱ्या दुचाकीची धडक बसली. अपघातानंतर डॉक्टरांची गाडी खोल दरीत कोसळली. यामध्ये डॉ. समीक्षा जाधव पोळ या गंभीर जखमी झाल्या. त्यांच्या डोक्याला, हाताला, पायाला गंभीर दुखापती झाल्या होत्या. त्यांना सावर्डे पोलिसांनी डेरवण येथे उपचारासाठी दाखल केले होते. त्यांच्यावर डेरवण येथे तातडीची शस्त्रक्रिया करण्यात आली होती. मात्र त्या उपचाराला साथ देत नसल्यामुळे त्यांना मुंबई येथे हलविण्यात आले होते. त्यांच्यावर तिथे उपचार सुरू होते. मात्र 12 ऑक्टोबर 2022 रोजी 12 दिवसांची त्यांची मृत्यूशी झुंज अपयशी ठरली. बुधवारी सायंकाळी त्यांचा उपचारादरम्यान मृत्यू झाला.

त्यांच्या मृत्यूची बातमी रत्नागिरी येथे समजताच डॉक्टर, नर्स, आशा सर्वांनी हळहळ व्यक्त केली. मनमिळावू स्वभावाच्या आणि सर्वांना आपलस करणाऱ्या डॉक्टर आज आपल्यातून गेल्याच दुःख त्यांनी व्यक्त केलं. त्यांच्या पश्चात पती, 2 भाऊ, एक बहिण असा परिवार आहे. त्यांचे नुकतेच लग्न झाले होते असे कळते.

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:00 AM 13/Oct/2022

LEAVE A REPLY

Please enter your comment!
Please enter your name here