ॲड. विलास पाटणे लिखित रामशास्त्री चरित्राचा ॲड खलप अनुवादीत इंग्रजी पुस्तकाचे शनिवारी पणजीत प्रकाशन

0

रत्नागिरी : “शास्त्रानुसार न्याय होईल अणि न्यायव्यवस्थेला नाती मंजुर नसतात” असं म्हणणारे न्या रामशास्त्री मराठी भाषिकेतराना तसेच विदेशियानाही समजले पाहिजेत. न्यायाधिश म्हणून रामशास्त्रींचे स्थान अद्वितीय आहे. निस्पृह, बाणेदार, निष्कलंक असे त्यांचे चरित्र न्यायसंस्थेला दीपस्तंभाप्रमाणे आहे. त्यांचे चरित्र जागतिक व्यासपीठावर जाण्याची गरज आहे. याच भूमिकेतून रामशास्त्री पुस्तकाच्या इंग्रजी संस्करणाचा प्रयोग करतो आहोत, अशी माहिती लेखक ॲड. विलास पाटणे यांनी दिली.

रामशास्त्री इंग्रजी अनुवादीत पुस्तकाचा प्रकाशन सोहोळा मुंबई उच्च न्यायालयाच्या पणजी पिठाचे न्या महेशजी सोनंक, गोवा सरकारचे ॲडहोकेट जनरल श्री देविदासजी पांगंम आणि पणजी हायकोर्ट बारचे अध्यक्ष ॲड. जीलमन परेरा आदी मान्यवरांच्या उपस्थितीत शनिवार दि २५ फेब्रुवारी सायंकाळी पाच वाजता संपन्न होत आहे.

माजी कायदामंत्री अँड रमाकांत खलप यानी रामशास्त्री पुस्तकाच्या इंग्रजी संस्करणाचा संकल्प, पूर्णत्वास नेला याच सर्व अक्षर रसिकाना समाधान व आनंद आहे. वाचन, व्यासंग व बहुश्रृतता यामुळे त्यांच्या लेखनाला विद्वत्तेची किनार लाभली आहे. सर्वोच्च न्यायालयाचे न्या अभयजी ओक यांच्या सुंदर अभिप्रायामुळे पुस्तकाला प्रतिष्ठा प्राप्त झाली. रामशास्त्री यांच चरित्र वैश्विक न्यायव्यवस्थेच्या संदर्भात महत्वाचे असल्याने या इंग्रजी संस्करणाचे संदर्भमुल्य अधोरेखित होईल. इंग्रजी पुस्तकांमुळे रामशास्त्रींच चरित्र आंतरराष्ट्रीय कॅनव्हासवर जाईल याचा आनंद आहे, असे ॲड. पाटणे म्हणाले.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:06 22-02-2023

LEAVE A REPLY

Please enter your comment!
Please enter your name here