‘जिओ फायबर’ सेवा ५ सप्टेंबरपासून सुरू होणार

मुंबई : जवळपास एक वर्षाने रिलायन्सने बहुप्रतिक्षित जिओफायबर सेवेची घोषणा केली आहे. ही सेवा जरी 5 सप्टेंबरपासून सुरू होणार असली तरीही ग्राहकांमध्ये इंटरनेट स्पीड, दर आदीबाबत उत्सुकता आहे. 700 रुपयांपासून सुरू होणाऱ्या या सेवेमध्ये काय काय मिळणार हे 5 सप्टेंबरलाच समजणार असले तरीही आम्ही काही माहिती घेऊन आलो आहोत. जिओफायबरचा वेग : जिओफायबरच्या ग्राहकांना कमीतकमी 100Mbps चा वेग मिळणार आहे. तर टॉप स्पीड 1Gbps असेल. जिओफायबर सेट टॉप बॉक्स : वाय फाय राऊटरसोबत जिओच्या ग्राहकांना मोफत सेटटॉप बॉक्स मिळणार आहे. शिवाय 4 के टीव्हीही मिळणार आहे. सेटटॉप बॉक्समध्ये व्हिडिओ कॉलिंगसारखे फिचरही मिळेल. एकावेळी चार लोकांना व्हिडिओ कॉलिंग करता येणार आहे. सोबत ग्राहकांच्या फोन आणि टॅबवरूनही मोफत व्हिडिओ कॉल करता येणार आहेत. जिओच्या सेटटॉप बॉक्समध्ये कंन्सोल क्वालिटी गेमिंग मिळणार आहे. यामुळे फिफा 2019 सारखे गेम खेळण्यासाठी इनबिल्ट ग्राफिक्स कार्डही असेल. नंतर यावर Tencent आणि मायक्रोसॉफ्टसारख्या कंपन्यांचे गेमही उपलब्ध होतील.