रत्नागिरी : लांजा तालुकयातील वाडिलिंबू येथील चिरेखाणीवरील मशिनला जोडलेल्या दोन तांब्याच्या सुमारे ५६ हजार रुपये किमतीच्या वायर अज्ञाताने लांबवल्या. ही घटना बुधवार, १० मे रोजी रात्री १० ते ११ मे रोजी सकाळी ६ वा. कालावधीत घडली आहे.
या बाबत फिर्यादीने लांजा पोलिस ठाण्यात तक्रार दिली आहे. त्यानुसार, वाडिलिंबू येथील चिरेखाणीवरील मशिनला एक ३० हजार रुपये किमतीची १५ मीटर लांबीची तसेच २६ हजार रुपये किमतीची १०० मीटर लांबीची अशा दोन पॉलिकॅप कंपनीच्या ताब्याच्या वायर अज्ञाताने कोणत्यातरी हत्याराने कट करुन चोरुन नेल्या.
या प्रकरणी अज्ञाताविरोधात लांजा पोलिस ठाण्यात भादंवि कायदा कलम ३७९ प्रमाणे गुन्हा दाखल करण्यात आला आहे. या प्रकरणी अधिक तपास लांजा पोलिस करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:57 13-05-2023
