दापोली : बोरिवलीवरून दापोलीकडे येणाऱ्या बसमधून सुमारे १ लाख ४० हजार रुपयांचे सोन्याचे दागिने अज्ञात चोरट्याने लंपास केले. या प्रकरणी दापोली पोलीस स्थानकात तक्रार दाखल करण्यात आली आहे.
दापोली पोलिसांनी दिलेल्या माहितीनुसार, दीपा तांबे या बोरिवलीवरून दापोलीकडे येणारी बस (क्र. एम. एच. ९ एफ. एल. ०२४६ ) या शिवशाही बसने येत होत्या. प्रवासादरम्यान त्यांच्याकडील ४५ हजार रुपयांचे मंगळसूत्र, ३० हजार रुपयांचे कानातील कुड्यांचे जोड, ३० हजार रुपये किंमतीच्या दोन बांगड्या, ७५०० रुपये किंमतीच्या कानांतील पट्ट्या, ४५०० रुपये किंमतीची अंगठी, १००० रुपये किंमतीची नथ व २२ हजार रुपये रोख असा ऐवज अज्ञात चोरट्याने लंपास केला. या प्रकरणी दापोली पोलिस स्थानकात अज्ञात चोरट्याविरोधात गुन्हा दाखल करण्यात आला आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
17:18 25-05-2023