रत्नागिरी : भाजपचे नेते किरीट सोमय्या यांना सोशल मीडियावरुन धमकी देणार्याला रत्नागिरी तालुक्यातील चांदेराई येथील एकाला अटक करण्यात आली आहे.
या व्यक्तीने आपल्या सोशल मीडिया अकाऊंटवरुन पंतप्रधान नरेंद्र मोदी, सोमय्या यांना धमकी दिली होती. त्याबाबत सोमय्या यांनी मुंबईतील साकीनाका पोलिस स्थानकात फिर्याद दिली होती. त्यानुसार साकीनाका पोलिसांनी चांदेराई येथून संशयिताला अटक केली आहे. त्याला लगेचच मुंबईला नेण्यात आले असल्याचे समजते.
गेल्या काही दिवसापूर्वी भाजप नेते किरीट सोमय्या यांना जीवे मारण्याची धमकी देण्यात आली. या प्रकरणी पोलीस ठाण्यात गुन्हा दाखल करण्यात आला होता.
