चंदेरी कार्ड प्रमाणपत्रक व प्रशस्तीपत्रक वितरण कार्यक्रम संपन्न

0

जिल्हा परिषद रत्नागिरी मार्फत स्वच्छता सर्वेक्षणाची मोहिम वर्षातुन दोन वेळा पावसाळयानंतर 2 ऑक्टोबर ते 30 ऑक्टोबर व पावसाळयापूर्वी 1 एप्रिल ते 30 एप्रिल या कालावधीत घेण्यात येते.  माहे एप्रिल 2013 पासुन ते माहे ऑक्टोबर 2017 पर्यंतच्या या 5 वर्षाच्या कालावधीमध्ये जिल्हयामध्ये 845 ग्रामपंचायतींमध्ये स्वच्छता सर्वेक्षणाची मोहिम राबविण्यात आली व आजपर्यंत राबविली जात आहे. स्वच्छता सर्वेक्षण मोहिमेमध्ये एकाही ग्रामपंचायतींना आजपर्यंत लाल कार्ड मिळालेले नाही.

Whats-App-Image-2020-07-07-at-10-56-03-AM

         माहे एप्रिल 2013 पासुन ते माहे ऑक्टोबर 2017 पर्यंत जिल्हयामध्ये एकुण 845 पैकी 703 ग्रामपंचायतींनी सलग पाच वर्षे कोणत्याही प्रकारच्या जलजन्य साथीचा उद्रेक होऊ नये यासाठी केलेल्या प्रयत्नांसाठी व ग्रामपंचायतीमधील सर्व स्त्रोतांना सलग पाच वर्षे हिरवे कार्ड मिळवून देण्यासाठी केलेल्या उत्कृष्ट कामाबाबत असे दोन्ही निकष पूर्ण करणाऱ्या ग्रामपंचायतींना मा.ना.श्री.रविंद्रजी वायकर-पालकमंत्री, जिल्हा रत्नागिरी तथा राज्यमंत्री, गृहनिर्माण उच्च व तंत्रशिक्षण, महाराष्ट्र राज्य यांचे व मा.श्रीम.स्वरुपा साळवी-अध्यक्ष, जिल्हा परिषद रत्नागिरी यांच्या हस्ते समारंभपूर्वक चंदेरी कार्ड प्रमाणपत्रक व प्रशस्तीपत्रक प्रातिनिधिक स्वरुपात दिनांक 15 ऑगस्ट 2019 रोजी सकाळी 9.30 वाजता पोलिस परेड मैदान, जेल रोड, रत्नागिरी येथे मंडणगड-निगडी, दापोली-जालगांव, खेड-कोतवली, गुहागर- आवरे-असोरे, चिपळुण- नारदखेरकी, संगमेश्वर- घोडवली, रत्नागिरी- नाखरे, लांजा- तळवडे व भडे, राजापूर- भालावली देण्यात आले.

            ग्रामपंचायतींनी केलेल्या उत्कृष्ट कामाबाबत ग्रामपंचायतमधील मा.सरपंच यांना चंदेरी कार्ड प्रमाणपत्र देऊन व ग्रामपंचायतीचे ग्रामसेवक, आरोग्य कर्मचारी, जलसुरक्षक यांना प्रशस्तीपत्रक देऊन गौरविण्यात आले.

          चंदेरी कार्ड प्रमाणपत्रक व प्रशस्तीपत्रक वितरण कार्यक्रमाला मा. जिल्हाधिकारी, जिल्हा रत्नागिरी, मा.मुख्य कार्यकारी अधिकारी, जिल्हा परिषद रत्नागिरी, मा.जिल्हा पोलिस अधिक्षक, जिल्हा रत्नागिरी, मा.उपमुख्य कार्यकारी अधिकारी(पाणी व स्वच्छता), जिल्हा परिषद रत्नागिरी व जिल्हा पाणी व स्वच्छता मिशन कक्षातील कर्मचारी उपस्थित होते.

LEAVE A REPLY

Please enter your comment!
Please enter your name here