रत्नागिरी : तालुक्यातील पाली येथील शिवाजी चौक येथे बेकायदेशीरपणे जुगार खेळ चालवणाऱ्याविरोधात ग्रामीण पोलिस ठाण्यात गुन्हा दाखल करण्यात आला आहे. ही कारवाई सोमवार, ११ सप्टेंबर रोजी सायंकाळी ५.२५ वा. करण्यात आली.
सुनील नायकू सावंत (४६, रा. पाली बौध्दवाडी, रत्नागिरी) असे गुन्हा दाखल करण्यात आलेल्या संशयिताचे नाव आहे. सोमवारी सायंकाळी ग्रामीण पोलिस पाली परिसरात गस्त घालत होते. त्यावेळी त्यांना तेथील शिवाजी चौक येथील एका टपरीच्या आडोशाला संशयित हा लोकांकडून पैसे स्वीकारून स्वतःच्या फायद्यासाठी मुंबई मटका जुगार खेळ खेळवत असताना ही कारवाई करण्यात आली. त्याच्याकडून रोख रक्कम आणि जुगाराचे इतर साहित्य असा एकूण ४०७ रुपयांचा मुद्देमाल जप्त करण्यात आला.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:59 13-09-2023
