रत्नागिरी : मिठाईमध्ये अळी असल्याचा व्हायरल झालेला व्हिडिओ हाती आल्याने रत्नागिरीतील अन्न व औषध प्रशासनाच्या पथकाने कुवारबाव येथील मिठाईच्या दुकानचालकाला २० हजार रुपयांचा दंड ठोठावला आहे.
मिठाईमधील काजुगरात अळी सापडल्यानंतर पथकाने ही कारवाई केली. तसेच सात दिवसांमध्ये मिठाईच्या दुकानाची स्वच्छता करण्याची मुदत देण्यात आली आहे, अशी माहिती अन्न व औषध प्रशासन सहायक आयुक्त दिनानाथ शिंदे यांनी दिली.
गणेशोत्सवाच्या पार्श्वभूमीवर अन्न व औषध प्रशासन सध्या सतर्क आहे. जिल्हाधिकारी एम. देवेंदरसिंह यांनी मिठाई विकणाऱ्या दुकानदारांवर लक्ष ठेवण्याच्या सूचना दिलेल्या आहेत. कुवारबाव येथे एका दुकानातील मिठाईमध्ये अळी सापडल्याचा व्हिडिओ व्हायरल झालेला होता.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:24 14-09-2023
