रत्नागिरी : तालुक्यातील खालगाव आणि हातखंबा तारवेवाडी येथे बेकायदेशीरपणे गावठी दारूची विक्री करणाऱ्या दोघांविरोधात ग्रामीण पोलिस ठाण्यात गुन्हा दाखल करण्यात आला आहे.
ही कारवाई मंगळवार १२ सप्टेंबर रोजी दुपारी १२.३० ते सायंकाळी ४.३० वा. कालावधीत करण्यात आली. वासुदेव भागा खापरे (६३, रा. खापरेवाडी, रत्नागिरी) आणि प्रविण मोहन घाणेकर (३२, रा. खेडशी, रत्नागिरी) अशी गुन्हा दाखल करण्यात आलेल्या दोन संशयितांची नावे आहेत.
मंगळवारी ग्रामीण पोलिस खालगाव तेलेवाडी आणि हातखंबा तारवेवाडी येथे हे दोन्ही संशयित आपल्या ताब्यात गावठी दारू विक्री करण्यासाठी बाळगून असताना ही कारवाई करण्यात आली. या कारवाईत संशयितांकडून एकूण १ हजार २३० रुपयांचा मुद्देमाल जप्त करण्यात आला असून, त्यांच्या विरोधात भादंवि कायदा कलम ६५ (ई) अन्वये गुन्हा दाखल करण्यात आला आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:39 14-09-2023
