रत्नागिरी : तालुक्यातील वाटद येथील शेतजमिनीमध्ये वृद्धाने अज्ञात कारणातून गळफास घेत आत्महत्या केली.
ही घटना मंगळवार १२ सप्टेंबर रोजी रात्री ९ ते बुधवार १३ सप्टेंबर रोजी सकाळी ८.३० वा. या कालावधीत घडली आहे. हिरू दामू हरमळे (वय ५९, रा. मांजरेकरवाडी वाटद रत्नागिरी) असे आत्महत्या केलेल्या वृद्धाचे नाव आहे.
मंगळवारी रात्री हिरू हरमळे घरात कोणालाही न सांगता निघून गेले होते. त्यांची पत्नी आणि इतर नातेवाईक त्यांचा शोध घेत होते. बुधवारी सकाळी त्यांची पत्नी मंजुळा हरमळे या शोध घेत असताना त्यांना पती ओढणीने गळफास घेतलेल्या अवस्थेत दिसून आले. वाटद येथील संतोष मांजरेकर यांच्या शेतजमिनीत काजूच्या झाडाला त्यांनी गळफास घेतला. याबाबत जयगड पोलिसांना माहिती मिळताच त्यांनी घटनास्थळी जात मृतदेहाचा पंचनामा करून मृतदेह रुग्णालयात पाठवला असून याबाबतची नोंद करण्यात आली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:31 15-09-2023
