मजगाव म्हामुरवाडी येथील गोडावून फोडून शेतीची अवजारे चोरली

रत्नागिरी : शहरानजीकच्या मजगाव म्हामुरवाडी येथील गोडावून फोडून अज्ञातांनी २६ हजार रुपयांची शेतीची अवजारे चोरून नेली.

ही घटना बुधवार १३ सप्टेंबर रोजी सकाळी ९.३० वा. सुमारास उघडकीस आली. याबाबत दीपक दत्ताराम शिवलकर यांनी ग्रामीण पोलिस ठाण्यात तक्रार दिली आहे. त्यानुसार, दीपक शिवलकर यांचे मजगाव येथील आर्य जनरल स्टोअर्सच्या पाठीमागे शेतीची अवजारे ठेवण्याचे गोडावून आहे. अज्ञाताने गोडावूनचा दरवाजा फोडून आतमधील फवारणीचा पंप, ग्रासकटर आणि वुडन कटर मशिन असा एकूण २६ हजार रुपयांचा मुद्देमाल लांबवला. याप्रकरणी गुन्हा दाखल झाला आहे.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:58 AM 15/Sep/2023