रत्नागिरी : बूथ सक्षमीकरणावर भर देण्यासाठी दक्षिण रत्नागिरी जिल्हा भाजप महिला मोर्चाची बैठक जिल्हा भाजप कार्यालयात झाली.
या वेळी महिला सक्षमीकरण करण्यासंदर्भात चर्चा करण्यात आली. त्याचसोबत बूथ सक्षमीकरण करण्यावर भर देण्याबाबत रत्नागिरी-सिंधुदुर्ग लोकसभा निवडणूक प्रमुख प्रमोद जठार, महाराष्ट्र प्रदेश उपाध्यक्ष अतुल काळसेकर, विधानसभा क्षेत्रप्रमुख बाळ माने यांनी मार्गदर्शन केले.
पंतप्रधान मोदी यांनी जनतेसाठी सुरू केलेल्या कल्याणकारी योजनांचा घराघरात प्रचार, प्रसार करण्याबाबत सूचना केल्या. या बैठकीला ऐश्वर्या जठार, सुजाता साळवी, दीपिका जोशी, शिवानी सावंत, समिधा पोकडे, सोनाली आंबेकर, सायली बेर्डे, प्राजक्ता रूमडे, सीमा सोलंकी, गीता चव्हाण, वर्षा ढेकणे, सोनाली रसाळ, करूणा सागवेकर यांच्यासह पदाधिकारी, कार्यकर्त्या उपस्थित होत्या. यानंतर दुसरी बैठक रत्नागिरी विधानसभा मतदार संघातील वरिष्ठ कार्यकर्त्यांची झाली.या वेळी भारतीय जनता पक्षाच्या प्रत्येक कार्यकर्त्यांच्या बूथ आणि प्रभागविषयक कार्याचा आढावा घेण्यात आला. नव्या व जुन्या कार्यकर्त्यांचा मेळ साधत प्रमोद जठार यांनी मार्गदर्शन केले. दक्षिण रत्नागिरी जिल्हाध्यक्ष राजेश सावंत, जिल्हा सरचिटणीस सचिन वहाळकर, सतेज नलावडे, शिल्पा पटवर्धन व कार्यकर्ते उपस्थित होते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:22 16-09-2023
