चिपळूण : मराठी आंदोलनाच्या पार्श्वभूमीवर ठिकठिकाणचे आमदार, खासदार यांना शासकीय सुरक्षा देण्यात येत आहे. आमदार, खासदारांच्या कार्यालयासमोर, घरासमोर सुरक्षा लावण्यात आली आहे. मात्र, चिपळूण-संगमेश्वरचे आमदार शेखर निकम यांनी सुरक्षा नाकारली आहे. आपला समाजबांधवांवर विश्वास आहे, असे आ. निकम यांनी स्पष्ट केले आहे.
राज्यात गेले काही दिवस मराठा आरक्षण मिळण्यासाठी आंदोलन सुरू होते. या पार्श्वभूमीवर बीड जिल्ह्यात लोकप्रतिनिधींच्या जाळपोळीची घटना घडली. यानंतर राज्यातील आमदार, खासदारांच्या घर, कार्यालय व त्यांना स्वतः अतिरिक्त सुरक्षा पुरविण्यात आली.
त्यानुसार आ. शेखर निकम यांचे चिपळुणातील संपर्क कार्यालयाला देखील सुरक्षा देण्यात आली होती.. याबाबत आ. शेखर निकम यांना विचारले असता ते म्हणाले, आपण ही सुरक्षा नाकारली आहे. किंबहुना ज्यावेळी आपण आमदार झालो तेव्हापासूनच आपण शासनाची सुरक्षा घेतलेली नाही. कारण आपला येथील लोकांवर पूर्ण विश्वास आहे… आमदार झाल्यापासूनच आपण पोलिस सुरक्षा घेतलेली नाही. त्यामुळे या आंदोलनाच्या काळातही अशी सुरक्षा घेण्याची गरज वाटत नाही. कारण कोकणातील लोकांच्या सामाजिक घराची मानसिकतेची आपल्याला कल्पना आहे. त्यामुळे कोणीही आततायीपणा करणार नाही. दुर्दैवाने कोणी आततायी केली आणि प्रश्न सुटला तरीदेखील आपल्याला आनंद आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:34 AM 03/Nov/2023
