रत्नागिरी : रत्नागिरी तालुक्यातील जाकादेवी ओरी विभागातील युवानेते प्रतीक देसाई यांची भारतीय जनता पार्टीच्या रत्नागिरी तालुका उत्तर विभागाच्या युवा अध्यक्षपदी निवड करण्यात आली आहे.
देसाई सामाजिक कार्यकर्ते असून, त्यांनी सामाजिक बांधिलकी जपत लोकोपयोगी कामे केली आहेत. सामाजिक, धार्मिक, सांस्कृतिक क्षेत्रात त्यांनी झोकून देऊन काम केले आहे. करोना कालावधीत त्यांनी अनेक गरजवंतांना सढळ हस्ते मदतीचा हात दिला आहे.
त्यांच्या सामाजिक आणि विधायक कामाची दखल घेऊन भाजपने देसाई यांची रत्नागिरी तालुक्याच्या उत्तर विभागाच्या युवाध्यक्षपदी निवड केली. बांधकाममंत्री रवींद्र चव्हाण, जिल्हाध्यक्ष राजेश सावंत यांनी त्यांना अधिकृत पत्र दिले. देसाई यांचे सरचिटणीस उमेश देसाई, तालुकाध्यक्ष विवेक सुर्वे यांनी अभिनंदन केले.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:06 03-11-2023
