सावर्डे : चिपळूण तालुक्यातील सावर्डे ग्रामपंचायतीतर्फे मिशन बंधारे उपक्रमांतर्गत सावर्डे येथे बंधारा बांधून ‘मिशन बंधारे’ उपक्रमाचा शुभारंभ करण्यात आला. माजी सभापती पूजा निकम यांच्या उपस्थितीत या उपक्रमाचा शुभारंभ करण्यात आला.
यावेळी सावर्डेच्या सरपंच समीक्षा बागवे, उपसरपंच जमीर मुल्लाजी, माजी सरपंच सुभाष मोहिरे, सहायक गटविकास अधिकारी भास्कर कांबळे, तालुका कृषी अधिकारी शत्रुघ्न मेत्रे, कृषी अधिकारी भीमराव पाटील उपस्थित होते. या उपक्रमावेळी उपस्थित ग्रामस्थांना आत्तापासूनच पाण्याची बचत करण्याचा सल्ला देण्यात आला.
तसेच ग्रामपंचायत विस्तार अधिकारी दत्ताराम कांबळे, आरोग्य विस्तार अधिकारी स्वप्निल चव्हाण, कृषी विस्तार अधिकारी अमोल पाटील, तालुका अभियान व्यवस्थापक अमोल काटकर, ग्रामसेवक संघटनेचे पदाधिकारी, ग्रामविकास अधिकारी, ग्रामसेवक, लिपिक संजय साळवी व ग्रामस्थ उपस्थित होते. या उपक्रमाचे नियोजन ग्रामविकास अधिकारी के. डी. पवार व ग्रामपंचायत कर्मचारी यांनी केले होते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
04:05 PM 03/Nov/2023
