रत्नागिरी : शहरातील मिरकरवाडा येथील जेटीवर गांजा हा अमली पदार्थ जवळ बाळगणाऱ्या चौघांना शहर पोलिसांनी अटक कारवाई गुरुवार, दि. ३ नोव्हेंबर रोजी सायंकाळी ७.४५ वा. करण्यात आली असून शुक्रवारी न्यायालयाने त्यांना एक दिवसाची पोलिस कोठडी सुनावली.
फैजान निरुद्दीन मजगावकर (२७, रा. मिरकरवाडा, रत्नागिरी), राजकुमार जगतराम राणा (२८), किसन चुलवा चौधरी (३२), मनीराम बाबुराम चौधरी (तिन्ही मूळ रा. नेपाळ सध्या रा. मिरकरवाडा, रत्नागिरी) अशी अटक करण्यात आलेल्या ४ संशयितांची नावे आहेत. गुरुवारी सायंकाळी शहर पोलिसांना मिरकरवाडा चेक पोस्टच्या मागे काही संशयितांकडे गांजा हा अमली पदार्थ असल्याची गोपनीय माहिती मिळाली होती. त्यानुसार, पोलिसांनी त्या ठिकाणी धाड टाकली असता संशयितांकडे बाराशे रुपयांचा ४४ ग्रॅम गांजा आढळून आला. त्यांच्या विरोधत एनडीपीएस अन्वये गुन्हा दाखल करण्यात आला.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:25 AM 04/Nov/2023
