दापोली : विनापरवाना दारू वाहतूक प्रकरणी एकावर गुन्हा

दाभोळ : विनापरवाना दारूची वाहतूक केल्याप्रकरणी दाभोळ येथील संशयिताविरोधात गुन्हा दाखल केला आहे.

दापोली पोलिसांनी दिलेल्या माहितीनुसार, १८ नोव्हेंबरला दुपारी १२.१५ च्या सुमारास पोलिस केळसकर नाका येथे गस्त घालत होते. त्यावेळी त्यांना दापोलीकडून दाभोळच्या दिशेने जाणारी एक रिक्षा दिसली. या रिक्षात त्यांना चालकाच्या बाजूला खाकी रंगाचे बॉक्स आढळून आले. त्यांनी हे वाहन थांबवून त्याची झडती घेतली असता या खाकी रंगाच्या बॉक्समध्ये ४२ हजाराच्या दारूच्या बाटल्या व एक लाखाची दारूची वाहतुक करण्यासाठी वापरलेली गाडी असा १ लाख ४२ हजार ३३० रुपयांचा मुद्देमाल जप्त करण्यात आला. राजेंद्र अनंत कीर (वय ५२, रा. दाभोळ भंडप्रवाडा) असे विनापरवाना दारूची वाहतूक करणाऱ्या संशयिताचे नाव आहे.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:40 20-11-2023