आरवली : आरवली-माखजन या मुख्य रस्त्यावर पडलेले खड्डे न भरल्यास आणि सरंद येथील रस्त्याचे डांबरीकरण न केल्यास १ डिसेंबरपासून आंदोलन करण्याचा इशारा पंचायत समितीचे माजी सदस्य जाकीर शेकासन यांनी दिला आहे. आरवली- माखजन रस्त्यावर कोंडिवरे ते माखजन दरम्यान रस्त्याची दुरवस्था झाली आहे. बुरंबाड-सरंद येथे ठिकठिकाणी खड्डे पडून रस्त्याची चाळण झाली आहे. गेले वर्षभर हे खड्डे बुजवण्याकडे दुर्लक्ष झाल्याने खड्याचा आकार मोठा होत चालला आहे. यामुळे वाहचालक तसेच प्रवाशांना याचा नाहक त्रास सहन करावा लागत आहे.
सरंद येथे हायस्कूलसमोर सुमारे दोनशे मिटर रस्ता पूर्णपणे खराब झाला आहे. रस्त्याचे डांबर निघून आतील खडी बाहेर पडल्याने वाहतुकीस अडथळे निर्माण झाले आहेत. रात्रीच्या वेळी या ठिकाणी छोटे-मोठे अपघात होत असतात. मोटारसायकलधारकांना या रस्त्यावरून जाताना मोठी कसरत करावी लागते.
हे खड्डे भरून रस्ता वाहतुकीस योग्य न केल्यास १ डिसेंबरपासून आंदोलन छेडण्यात येणार असल्याचा इशारा शेकासन यांनी दिला आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
02:04 PM 20/Nov/2023
