रत्नागिरी : कोकण रेल्वे मार्गावर करंजाडी ते चिपळूणनजीकच्या कामथे दरम्यान दि. २१ नोव्हेंबर रोजी अडीच तासांचा तर कर्नाटक राज्यातील कुमटा ते भटकळ स्थानकादरम्यान २३ नोव्हेंबर २०२३ रोजी तीन तासांचा ‘मेगा ब्लॉक’ घेतला जाणार आहे. या संदर्भात कोकण रेल्वेकडून प्राप्त झालेल्या माहितीनुसार मंगळवारी (दि. २१ नोव्हेंबर) करंजाडी ते चिपळूणनजीक कामथे स्थानकादरम्यान दुपारी १२.४० ते दुपारी ३ वाजून १० मिनिटांपर्यंत म्हणजे अडीच तासांचा मेगा ब्लॉक घेतला जाणार आहे.
करंजाडी ते कामथे दरम्यानच्या मेगा ब्लॉकमुळे कोईमतूर ते जबलपूर ही दि. २० नोव्हेंबरला प्रवास सुरू होणारी गाड़ी कोकण रेल्वे मार्गावर आल्यानंतर मेगा ब्लॉकमुळे मडगाव ते संगमेश्वर दरम्यान ११० मिनिटे थांबवून ठेवली जाणार आहे. मेगा ब्लॉकमुळे सावंतवाडी ते दिवा (१०१०६) एक्स्प्रेस गाडी सावंतवाडी ते संगमेश्वर दरम्यान १ तास १० मिनिटे रोखून ठेवली जाणार आहे. याचबरोबर दि. २३ नोव्हेंबर रोजीच्या कुमटा ते भटकळ दरम्यानचा तीन तासांच्या मेगा ब्लॉकमुळे तीन एक्स्प्रेस गाड्यांच्या वेळापत्रकावर परिणाम होणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
02:20 PM 20/Nov/2023
