कोकणात चक्रीवादळ निवारा केंद्रांना प्रशासकीय मान्यता

0

रत्नागिरी : जागतिक बँकेच्या अर्थ सहाय्यातून सुमारे ४५ कोटींच्या निधीतून चक्रीवादळ निवारा केंद्रांना प्रशासकीय मान्यता देण्यात आली आहे. या योजनेत रत्नागिरी जिल्ह्यात दोन आणि रायगड, पालघर सिंधुदुर्ग जिल्ह्यात प्रत्येकी तीन केंद्राचा आराखडा तयार करण्यात आला होता. या आराखड्याला मान्यता दिल्याची माहिती येथील प्रशासकीय सुत्रांनी दिली. काही वर्षापूर्वी कोकणातील आतापर्यंत सर्वात मोठी फयान वादळाच्या आपत्तीला सामोरे जावे लागले होते. त्यानंतर शासनाच्या आपत्ती निवारण प्राधिकरणाने कोकणातील चक्रीवादळ निवारा केंद्राचा आराखडा तयार केला होता. मात्र निधी अभावी आणि अन्य तांत्रिक कारणाने हा आराखड्याला मान्यता प्रलंबित होती. त्यानंतर ओरिसामध्ये आलेल्या वादळाच्या पूर्वसूचनेनंतर या केंद्रांना मान्यता देण्याची तयारी शासनाने केली होती. कोकणात ओखीचा काही अंशी परिणाम उद्भवल्यानंतर या केंद्रांची निकड लक्षात घेऊन कोकणातील केंद्रांची निश्चिती करण्यात आली. यामध्ये रत्नागिरी जिल्ह्यात दोन केंद्रांना मान्यता देण्यात आली. यामध्ये खरवते आणि दापोलीत हर्णे या दोन केंद्राचा समावेश आहे. अन्य जिल्ह्यात योजनेत आणखीन नऊ केंद्रांना मान्यता देण्यात आली होती. मात्र अद्याप या केंद्राच्या उभारणीच्या हालचाली झाल्या नव्हत्या. अखेर या केंद्रांना आता प्रशासकीय मान्यता दिल्याने चक्रीवादळ निवारण केंद्राचा मार्ग मोकळा झाला आहे. चक्रीवादळ आणि अन्य नैसर्गिक आपत्तीमध्ये या निवारण केंद्रात तातडीचा निवारा देण्याच्या सुविधेसह आरोग्याच्या सुविधा देण्यात येणार आहे.

Whats-App-Image-2020-07-07-at-10-56-03-AM




LEAVE A REPLY

Please enter your comment!
Please enter your name here