कोरोना लसीकरणासाठी जिल्ह्यातील सहा खासगी रुग्णालयांची निवड

0

रत्नागिरी : केंद्र सरकारने १६ जानेवारीला कोरोना लसीकरणाचा पहिला टप्पा सुरू केला. दि. १ मार्चपासून कोरोना लसीकरणाचा दुसरा टप्पा सुरू होणार आहे. जिल्ह्यातील सहा खासगी रुग्णालयांची लसीकरणासाठी निवड करण्यात आली आहे. मात्र, या रुग्णालयांना शासनाकडून कोणतीही माहिती देण्यात आली नसल्याने नेमके लसीकरण कधी सुरू होणार याबाबत साशंकता आहे. केंद्र आरोग्य योजनेत ११६ खासगी रुग्णालयात कोरोना लसीकरण होणार आहे. यात रत्नागिरीतील ६ रुग्णालयांचा समावेश आहे. एसएमएस रुग्णालय, चिपळूण तालुक्यातील लाईफ केअर आणि श्री विठ्ठलराव जोशी चॅरिटेबल ट्रस्ट हॉस्पिटल, डेरवण, रत्नागिरी तालुक्यातील श्री रामनाथ आणिपरकार हॉस्पिटल तर लांजा तालुक्यातील पंडित दीनदयाळ उपाध्याय हॉस्पिटल येथे लसीकरण करण्यात येणार आहे. पंतप्रधान आयुष्मान भारत जनआरोग्य योजना, महात्मा फुले आरोग्य योजना अशा शासकीय योजनांचे लाभ देणाऱ्या रुग्णालयांमध्येच ही लस उपलब्ध होणार आहे.

रत्नागिरी खबरदार
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
11:54 AM 01-Mar-21

LEAVE A REPLY

Please enter your comment!
Please enter your name here