रत्नागिरी : खारवी समाज विकास नागरी सहकारी पतसंस्थेने पहिल्याच वर्षी सात टक्के घसघशीत लाभांश देऊन सभासदांना सुखद धक्का दिला. संस्थेच्या वार्षिक सर्वसाधारण सभेत याबाबतची घोषणा करण्यात आली. खारवी समाज विकास नागरी सहकारी पतसंस्था अल्पावधीतच नावारूपाला आली आहे. संस्थेची अधिमंडळ वार्षिक बैठक शासकीय नियमांना अधीन राहून खारवी समाज भवनात पार पडली. बैठक मर्यादित सभासदांच्या उपस्थितीत झाली. बैठकीच्या प्रारंभी मरण पावलेल्या ज्ञात-अज्ञात सभासदांना श्रद्धांजली वाहण्यात आली. बैठकीत प्रत्येक विषयावर चर्चाविनिमय केल्यानंतर सभासदांच्या प्रश्नांना सविस्तर उत्तरे देऊन अध्यक्ष संतोष पावरी आणि मुख्याधिकारी प्रसाद खडपे यांनी त्यांचे समाधान केले. गेल्या तीन वर्षांत तीन हजार ७४५ सभासद आणि तीन कोटीपर्यंत उलाढाल नेण्याचा उच्चांक पतसंस्थेने केला आहे. सभासदांना गरजेनुसार कर्जवितरण केले. कर्ज वसुलीबाबत एनपीए शून्य राखल्यामुळे पतसंस्थेवर सभासदांनी अधिक विश्वास टाकला. संस्थेच्या उन्नतीसाठी येत्या वर्षभरात संस्थेचा विस्तार करण्यासाठी आणि शाखा निर्मितीसाठी संचालक मंडळ कटिबद्ध असल्याचे आश्वासन अध्यक्षांनी दिले.
रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/2NQVeEc
1:30 PM 12-Mar-21
