स्वातंत्र्यासाठी बलिदान दिलेले महान देशभक्त, शहीद भगतसिंग यांच्या जीवनावर आधारित नाटकाची रिहर्सल करताना खरोखरच फाशी लागल्याने नाटकातील एका कलाकार विद्यार्थ्याचा दुर्दैवी मृत्यू झाला आहे. प्रियांशू मालवीय असे मृत्यू पावलेल्या विद्यार्थ्याचे नाव असून तो १२ वर्षांचा होता. प्रियांशूच्या शाळेत वार्षिक कार्यक्रमात शहीद-ए-आजम भगतसिंग आणि सुखदेव यांच्या जीवनाटक बसवण्यात आले होते. ही घटना मध्य प्रदेशातील मंदसौर येथे घडली.
