ब्रेकिंग: दहावी, बारावी पुरवणी परीक्षेचा निकाल जाहीर

0

मुंबई : महाराष्ट्र राज्य माध्यमिक व उच्च माध्यमिक शिक्षण मंडळातर्फे सप्टेंबर-ऑक्टोबर 2021 मध्ये घेण्यात आलेल्या दहावी आणि बारावी पुरवणी परीक्षेचा निकाल जाहीर झाला आहे. www.mahresult.nic.in या अधिकृत संकेतस्थळावर विद्यार्थ्यांना निकाल पाहाता येणार आहे. महाराष्ट्र राज्य माध्यमिक व उच्च माध्यमिक शिक्षण मंडळाकडून बुधवारी बारावी आणि दहावीचा पुरवणी परीक्षेचा निकाल जाहीर करण्यात आला. इयत्ता बारावी पुरवणी परीक्षेला एकूण 12160 विद्यार्थी उपस्थित होते. त्यातील 3322 विद्यार्थी उत्तीर्ण झाले आहेत. बारावी बोर्ड पुरवणी परीक्षेचा राज्याचा निकाल 27.31 टक्के इतका लागला आहे. दहावी बोर्ड पुरवणी परीक्षा एकूण 10477 विद्यार्थ्यांनी दिली होती. त्यातील 3053 विद्यार्थी उत्तीर्ण झाले आहेत. राज्याचा दहावी बोर्ड पुरवणी परीक्षेचा निकाल 29.14 टक्के लागला. गुरुवार, २१ ऑक्टोबरपासून विद्यार्थ्यांना गुणपडताळणी, उत्तरपत्रिकांच्या छायांकित प्रती, पुनर्मूल्यांक व स्थलांतर प्रमाणपत्र यासाठी ऑनलाइन अर्ज करता येणार आहेत. http://verification.mh-ssc.ac.in या संकेतस्थळावर यासंबंधीची सर्व माहिती उपलब्ध आहे. या प्रक्रियांचे शुल्कही ऑनलाइन भरायचे आहे.

रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
www.ratnagirikhabardar.com
https://bit.ly/3eSMrxz
2:22 PM 20-Oct-21

LEAVE A REPLY

Please enter your comment!
Please enter your name here