रत्नागिरी: राज्यातील शालेय शिक्षण क्षेत्रात मोठे बदल होणार असून आगामी शैक्षणिक सत्र २०२६-२७ पासून इयत्ता दुसरी, तिसरी, चौथी आणि सहावीचा अभ्यासक्रम बदलण्यात येणार आहे. नवीन राष्ट्रीय शैक्षणिक धोरण २०२० (NEP 2020) अन्वये टप्प्याटप्प्याने हे बदल करण्याचा आदेश शिक्षण विभागाने दिला आहे.
कसा बदलणार अभ्यासक्रम? (टप्पे)
शिक्षण विभागाने पुढील तीन वर्षांचे नियोजन जाहीर केले आहे:
- सन २०२६-२७: दुसरी, तिसरी, चौथी आणि सहावी.
- सन २०२७-२८: पाचवी, सातवी, नववी आणि अकरावी.
- सन २०२८-२९: आठवी, दहावी आणि बारावी.
महत्वाची वैशिष्ट्ये:
- सेतू अभ्यास पुस्तिका: नवीन अभ्यासक्रमाशी विद्यार्थ्यांना सहज जुळवून घेता यावे यासाठी ‘राज्य शैक्षणिक संशोधन व प्रशिक्षण परिषद, महाराष्ट्र’ (SCERT) तर्फे सेतू अभ्यास पुस्तिका तयार केली जात आहे.
- कौशल्यावर आधारित शिक्षण: पारंपरिक पाठांतराऐवजी संख्याज्ञान, भाषा, तार्किक विचार, जीवनकौशल्ये आणि सर्जनशीलता यावर भर दिला जाणार आहे.
- शिक्षण विभागणी: शासनाने शिक्षणाची विभागणी बालवर्ग ते दुसरी (पूर्व प्राथमिक), तिसरी ते पाचवी (प्राथमिक), सहावी ते आठवी (माध्यमिक) आणि नववी ते बारावी अशी केली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
17:02 24-02-2026
