गुहागर: गुहागर नगरपंचायतीच्या नवनिर्वाचित नगरसेवकांच्या पहिल्या सर्वसाधारण सभेत शहराच्या विकासासाठी आणि उत्पन्न वाढीसाठी ‘पर्यटन कर’ आकारण्याचा महत्त्वपूर्ण प्रस्ताव मांडण्यात आला आहे. या निर्णयामुळे नगरपंचायतीचे वार्षिक उत्पन्न १ कोटी रुपयांपर्यंत वाढण्याची शक्यता वर्तवण्यात आली आहे.
सभेतील प्रमुख निर्णय:
- पर्यटन कर: शहरातील एन्ट्री पॉईंटवरून येणाऱ्या पर्यटकांकडून कर आकारणीचा प्रस्ताव जिल्हाधिकाऱ्यांकडे पाठवण्यात येणार आहे.
- शेतकऱ्यांसाठी दिलासा: सीआरझेड (CRZ) नियमां संदर्भात माजी आमदार डॉ. विनय नातू यांच्या पाठपुराव्यामुळे शेतकऱ्यांच्या जमिनीचा प्रश्न सुटणार असून, त्याबद्दल अभिनंदनाचा ठराव मंजूर करण्यात आला.
- स्वच्छता आणि आरोग्य: नगरपंचायतीला मिळालेल्या १ कोटीच्या निधीतून रुग्णवाहिका किंवा सोनोगाफी मशीन घेण्याबाबत चर्चा झाली.
- वाहतूक कोंडी: शहरात सम-विषम पार्किंग पद्धत पुन्हा कार्यान्वित करण्याची मागणी करण्यात आली आहे.
या सभेला नगराध्यक्षा नीता मालप, उपनगराध्यक्ष प्रदीप बेंडल आणि सर्व नगरसेवक उपस्थित होते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:09 28-02-2026
