नाशिक: “येणाऱ्या कुंभमेळ्यात (२०२७) पूर्ण लक्ष ठेवा. जर कोणी इथे अनधिकृतपणे स्टॉल लावण्यासाठी आले, तर त्यांना स्टॉलसकट उखडून टाका. आम्ही मंत्रालयात बसलो आहोत, तुमची काळजी घेऊ,” असे आक्रमक वक्तव्य राज्याचे मत्स्य व्यवसाय आणि बंदरे विकास मंत्री नितेश राणे यांनी केले आहे. नाशिकमध्ये ‘हिंदू हित रक्षा’ तर्फे आयोजित हिंदू व्यावसायिक सूचीच्या प्रकाशन सोहळ्यात ते बोलत होते.
‘हिंदूंनी हिंदूंकडूनच खरेदी करावी’
नितेश राणे यांनी यावेळी ‘व्होट जिहाद’ आणि आर्थिक व्यवहारांवर भाष्य करताना स्पष्ट केले की, हिंदूंनी आपल्या हक्काच्या पैशातून हिंदूंकडूनच वस्तू खरेदी केल्या पाहिजेत. “मी खारघरमध्येही हीच भूमिका मांडली होती, तेव्हा माध्यमांनी मला खूप झोडले. पण हिंदू राष्ट्रामध्ये हिंदूंबद्दल बोलायचे नाही, तर काय पाकिस्तान किंवा इस्लामाबादबद्दल बोलायचे का?” असा सवाल त्यांनी उपस्थित केला.
कुंभमेळा आणि स्टॉल्सवरून कडक भूमिका
२०२७ मध्ये होणाऱ्या कुंभमेळ्याच्या नियोजनाबाबत बोलताना राणे म्हणाले की, कुंभमेळ्याच्या पवित्र भूमीत केवळ हिंदू बांधवांचीच दुकाने लागली पाहिजेत.
- अब्दुल नावाचा उल्लेख: “मी त्र्यंबकेश्वरला गेलो होतो, तिथे दुकानावर नाव वेगळे होते आणि आत अब्दुल बसला होता. हे आता चालणार नाही,” असे ते म्हणाले.
- रमजानचा दाखला: “आता रमजान सुरू आहे, तिथे खाद्यपदार्थांच्या दुकानांत एकतरी हिंदू माणूस शोधून दाखवा, सापडणार नाही. त्यांच्या कुराणमध्ये जे लिहिले आहे, ते तसे वागतात, मग आम्ही करतोय ते काय वेगळे आहे?”
‘२०४७ चे लक्ष्य आणि लव्ह जिहाद’
नितेश राणे यांनी यावेळी एका गंभीर कटाचा दावा केला. “त्यांना २०४७ पर्यंत आपल्या हिंदू राष्ट्राला मुस्लिम राष्ट्र करायचे आहे. आपण दिलेला पैसा ‘लव्ह जिहाद’साठी वापरला जात असेल, तर आपण त्यांच्याकडून वस्तू का खरेदी करायच्या? ते धर्मासाठी किती कडवट आहेत हे आपण लक्षात घेतले पाहिजे,” असे आवाहन त्यांनी हिंदू बांधवांना केले.
मंत्री म्हणून नाही, तर ‘हिंदू’ म्हणून आलोय!
कार्यक्रमाच्या शेवटी त्यांनी आपली भूमिका अधिक स्पष्ट करताना सांगितले की, “मी या व्यासपीठावर आमदार किंवा मंत्री म्हणून नाही, तर एक हिंदू म्हणून आलो आहे. कुंभमेळ्याबाबतच्या तुमच्या मागण्या मी सरकारकडे नक्कीच मांडेन. कुंभमेळ्यात कोणाही जिहाद्याला थारा मिळणार नाही आणि त्यांना धाक वाटलाच पाहिजे,” असेही त्यांनी ठामपणे नमूद केले.
ठळक घडामोडी:
- हिंदू व्यावसायिक सूची: नाशिकमध्ये हिंदू कामगार आणि व्यावसायिकांची यादी जाहीर.
- आवाहन: आर्थिक रसद तोडण्यासाठी ‘हिंदूंनी हिंदूंकडूनच खरेदी’ मोहीम राबवणार.
- इशारा: कुंभमेळ्यातील स्टॉल्सवरून प्रशासनाला आणि व्यावसायिकांना थेट ताकीद.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:55 16-03-2026
