रत्नागिरी: २०२५-२६ हे आर्थिक वर्ष ३१ मार्च रोजी संपत आहे. वर्षअखेरीचे हिशेब पूर्ण करण्यासाठी आणि तांत्रिक कामांच्या नियोजनासाठी १ आणि २ एप्रिल २०२६ असे दोन दिवस पोस्टाचे सर्व व्यवहार बंद ठेवण्याचा निर्णय घेण्यात आला आहे. भारतीय टपाल विभागाने (Post Office) हे दोन दिवस ‘व्यवहार बंद दिवस’ (Non-Transaction Days) म्हणून घोषित केले आहेत.
कोणत्या सेवांवर परिणाम होणार?
या दोन दिवसांच्या कालावधीत सर्व सीबीएस (CBS) पोस्ट ऑफिसमध्ये खालील सेवा उपलब्ध असणार नाहीत:
- काउंटर व्यवहार: पोस्ट ऑफिसच्या काउंटरवर पीओएसबी (POSB) संबंधित कोणतेही रोख व्यवहार किंवा कामकाज केले जाणार नाही.
- डिजिटल बँकिंग: डीओपी ई-बँकिंग (E-Banking) आणि एम-बँकिंग (Mobile Banking) सुविधा पूर्णपणे बंद राहतील.
- IPPB सेवा: आयपीपीबी-पीओएसबी (IPPB-POSB) स्वाइप इन आणि स्वाइप आऊट या सेवांचा लाभ ग्राहकांना घेता येणार नाही.
डाकघर अधीक्षकांचे आवाहन
आर्थिक वर्षाच्या सांगतेमुळे करावयाची महत्त्वाची कागदपत्रे आणि तांत्रिक कामे पूर्ण करण्यासाठी हा निर्णय घेण्यात आला आहे. ग्राहकांनी आपली महत्त्वाची कामे ३१ मार्चपूर्वीच उरकून घ्यावीत, जेणेकरून गैरसोय टाळता येईल. १ आणि २ एप्रिल रोजी होणाऱ्या या बदलाची सर्व खातेदारांनी नोंद घ्यावी, असे आवाहन रत्नागिरीच्या डाकघर अधीक्षकांनी केले आहे.
३ एप्रिल २०२६ पासून सर्व व्यवहार पुन्हा नियमितपणे सुरू होतील.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:31 30-03-2026
