रत्नागिरी: गॅस पाईपलाईन कनेक्शनसाठी १८ एप्रिलपर्यंत विशेष नोंदणी मोहीम; जाणून घ्या तुमच्या भागातील शिबिराची वेळ

रत्नागिरी: शहरातील घरगुती गॅस सिलेंडर वितरणावरील ताण कमी करण्यासाठी आणि नागरिकांना सुरक्षित व सुलभ सेवा उपलब्ध करून देण्यासाठी आता ‘महानगर गॅस’च्या पाईपलाईनवर भर दिला जात आहे. रत्नागिरी नगर परिषद हद्दीत ज्या भागात पाईपलाईनचे जाळे विस्तारले आहे, तेथील नागरिकांना नवीन कनेक्शन मिळावे यासाठी प्रशासनातर्फे ४ ते १८ एप्रिल या कालावधीत शहराच्या विविध भागांत विशेष नोंदणी शिबिरांचे (Registration Camps) आयोजन करण्यात आले आहे.

जिल्हाधिकारी रत्नागिरी यांच्या सूचनेनुसार आणि प्रांताधिकारी जीवन देसाई यांच्या मार्गदर्शनाखाली ही प्रक्रिया राबवण्यात येत आहे.

नोंदणी शिबिरांचे सविस्तर वेळापत्रक आणि ठिकाणे:

नागरिकांना त्यांच्या प्रभागाजवळ नोंदणी करता यावी यासाठी प्रशासनाने विभागनिहाय वेळापत्रक जाहीर केले आहे:

प्रशासनाचे आवाहन

या सर्व ठिकाणी सकाळी निश्चित केलेल्या वेळेत महानगर गॅसचे संबंधित अधिकारी आणि कर्मचारी उपस्थित राहून नागरिकांचे अर्ज स्वीकारणार आहेत. गॅस सिलेंडरच्या कटकटीतून मुक्त होण्यासाठी आणि पाईपलाईनद्वारे अखंडित गॅस पुरवठा मिळवण्यासाठी जास्तीत जास्त रत्नागिरीकरांनी या सुविधेचा लाभ घ्यावा आणि आपली नोंदणी पूर्ण करावी, असे आवाहन प्रशासनातर्फे करण्यात आले आहे.

महत्त्वाची टीप: नोंदणीसाठी जाताना आवश्यक कागदपत्रे (उदा. आधार कार्ड, घराचा पुरावा इ.) सोबत ठेवावीत, जेणेकरून अर्जाची प्रक्रिया जलद पूर्ण होईल.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
13:01 04-04-2026