राजापूर : राजापूर लांजा-साखरपा विधानसभा मतदारसंघातून आठ उमेदवार रिंगणात असून सोमवारी त्यांना निवडणूक चिन्हांचे वाटप करण्यात आले. त्यानुसार महायुतीच्या माध्यमातून निवडणूक लढवित असलेले शिवसेना, शिंदे पक्षाचे उमेदवार किरण रवींद्र सामंत यांची धनुष्यबाण निशाणी असून महाविकास आघाडीच्या माध्यमातून लढत असलेले शिवसेना ठाकरे पक्षाचे उमेदवार राजन साळवी यांची निशाणी मशाल असणार आहे. महाविकास आघाडीला आव्हान देत बंडखोरी करीत अपक्ष म्हणून अर्ज कायम ठेवणारे काँग्रेसचे जिल्हाध्यक्ष अविनाश लाड यांना शिट्टी निशाणी देण्यात आली आहे.
याव्यतिरीक्त अपक्ष म्हणून निवडणुकीत लढावीत असलेल्या अन्य उमेदवारांमध्ये संजय यादवराव यांना फणस, यशवंत हर्याण यांना चालण्याची काठी, राजेंद्र रवींद्रनाथ साळवी यांना बॅटरी, अमृत तांबडे यांना चिमणी, संदीप जाधव, बहुजन समाज पार्टी यांना हत्ती निशाणी देण्यात आली आहे, अशी माहिती निवडणूक कार्यालयाच्या वतीने देण्यात आली.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:28 PM 07/Nov/2024
