खेड : क्रीडा व युवक सेवा संचालनालय महाराष्ट्र राज्य, पुणे व कोल्हापूर विभाग यांच्या संयुक्त विद्यमाने दि. ८ ऑक्टोबर रोजी आदर्श विद्यालय मिनचे येथे झालेल्या सतरा वर्षे वयोगटातील विभागस्तरीय नेटबॉल स्पर्धेमध्ये ज्ञानदीप संस्थेच्या कै. प्रभाकर गजानन कांबळे ज्ञानदीप विद्यामंदिर, भडगाव माध्यमिक विभाग या प्रशालेतील इयत्ता दहावीतील आर्ना पाटणे व कै. श्रीमती राधाबाई चंदुलाल तलाठी ज्ञानदीप विद्यामंदिर भडगाव उच्च माध्यमिक विभाग या प्रशालेतील अकरावीतील सफवान चौगुले यांनी यश मिळवले आहे. त्यांची दि. ७ व ८ नोव्हेंबर रोजी भंडारा येथे होणाऱ्या राज्याच्या नेटबॉल स्पर्धेत सहभागी होणाऱ्या संघामध्ये निवड झाली आहे.
आर्ना व सफवानला क्रीडा शिक्षक व पर्यवेक्षक संतोष भोसले यांनी मार्गदर्शन केले. आर्ना व सफवानच्या या यशाबद्दल संस्थेचे अध्यक्ष अरविंद तोडकरी, उपाध्यक्ष डॉ. रमणलाल तलाठी, सरचिटणीस माधव पेठे, खजिनदार विनोद बेंडखळे विश्वस्त पेराज जोयसर, दीपक लढढा, संस्थापक सरचिटणीस प्रकाश गुजराथी, संस्थापक सदस्य भालचंद्र कांबळे, चंदन पाटणे, प्रफुल्ल महाजन, अनिल शिवदे, रुपल पाटणे व सल्लागार मंडळ सदस्य, ज्ञानदीप परिवारातील सर्व मुख्याध्यापक, प्राचार्य, शिक्षक व शिक्षकेतर कर्मचारी यांनी अभिनंदन केले व पुढील स्पर्धेस शुभेच्छा दिल्या.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
03:53 PM 08/Nov/2024
