दुष्काळाच्या पार्श्वभूमीवर सरकारचा दिलासा; राज्यातील २ लाख १४ हजार अंगणवाडी सेविका आणि मदतनीसांना होणार फायदा
मुंबई:
Diwali Relief Scheme Maharashtra अंतर्गत यंदाच्या दिवाळीवर दुष्काळाचे सावट असून शेतकरी हवालदील झाला आहे. राज्य सरकारने ३०० हून अधिक तालुक्यांमध्ये दुष्काळ जाहीर केला असून शेतकऱ्यांच्या पिकांचे पंचनामे पूर्ण करण्यात आले आहेत. या पार्श्वभूमीवर बळीराजाला मोठा दिलासा देत, दिवाळीपूर्वीच शेतकऱ्यांच्या खात्यावर ५ हजार रुपयांची अग्रीम मदत जमा करण्याचा महत्त्वपूर्ण निर्णय राज्य सरकारने घेतला आहे.
त्याचबरोबर, राज्यातील महिला व बालविकास विभागाच्या माध्यमातून कार्यरत असलेल्या अंगणवाडी सेविका आणि मदतनीस यांनाही दिवाळी सण उत्साहात साजरा करता यावा यासाठी भाऊबीज भेट म्हणून प्रत्येकी २ हजार रुपये देण्याचे जाहीर करण्यात आले आहे. महिला व बालविकास मंत्री आदिती तटकरे यांनी या निर्णयाची अधिकृत माहिती दिली.
राज्यातील एकात्मिक बालविकास सेवा योजनेअंतर्गत (ICDS) सध्या १,०८,६२७ अंगणवाडी सेविका आणि १,०५,४७० अंगणवाडी मदतनीस अशा एकूण २,१४,०९७ कर्मचाऱ्यांची पदसंख्या कार्यरत आहे. या सर्व कर्मचाऱ्यांना प्रत्येकी २ हजार रुपये याप्रमाणे एकूण ४२ कोटी ८१ लाख ९४ हजार रुपयांचा निधी उपलब्ध करून देण्यात आला आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्रा अजित पवार यांच्या मार्गदर्शनाखाली हा निर्णय घेण्यात आला असून, गर्भवती महिला, स्तनदा माता व बालकांच्या पोषणाची काळजी घेणाऱ्या कर्मचाऱ्यांची दिवाळी गोड करणे हा यामागचा मुख्य उद्देश आहे.
Diwali Relief Scheme Maharashtra: ४० अतिरिक्त तालुके दुष्काळी जाहीर; ५ हजारांची अग्रीम मदत थेट खात्यात
दिवाळीच्या तोंडावर शेतकऱ्यांना दिलासा देण्यासाठी सह्याद्री राज्य अतिथीगृह येथे पार पडलेल्या मंत्रिमंडळाच्या बैठकीनंतर मुख्यमंत्री देवेंद्र फडणवीस यांनी प्रसारमाध्यमांशी संवाद साधला. राज्यातील आणखी ४० तालुके दुष्काळी म्हणून जाहीर करतानाच, या गंभीर परिस्थितीत बळीराजाला आर्थिक सावरण्यासाठी त्यांच्या बँक खात्यावर थेट ५ हजार रुपयांचा अग्रीम जमा केला जाईल, असे मुख्यमंत्र्यांनी स्पष्ट केले.
राज्य सरकारच्या या दोन्ही निर्णयांमुळे दुष्काळाच्या छायेत असलेल्या राज्यातील हजारो शेतकरी आणि अंगणवाडी कर्मचाऱ्यांना दिवाळीपूर्वी मोठा दिलासा मिळाला आहे.
