‘जलजीवन मिशन’मध्ये भ्रष्टाचार सिद्ध झाल्यास राजीनामा देईन; जळगाव जिल्ह्यातील दुष्काळ आढावा बैठकीत गुलाबरावांचे विरोधकांना आव्हान
जळगाव:
Gulabrao Patil Announcement अंतर्गत राज्यातील दुष्काळी परिस्थितीच्या पार्श्वभूमीवर पुढील तीन वर्षे सिमेंट काँक्रिटच्या रस्त्यांची नवीन कामे न करता, तो सर्व निधी शाळा आणि अंगणवाड्यांच्या विकासासाठी खर्च केला जाणार असल्याची माहिती जळगावचे पालकमंत्री तथा पाणीपुरवठा व स्वच्छता मंत्री गुलाबराव पाटील यांनी दिली आहे. जळगाव येथील जिल्हाधिकारी कार्यालयात आयोजित दुष्काळ आढावा बैठकीनंतर घेतलेल्या पत्रकार परिषदेत ते बोलत होते.
पालकमंत्री गुलाबराव पाटील यांनी सांगितले की, राज्य मंत्रिमंडळाच्या निर्णयानुसार यावर्षी नवीन रस्त्यांची कामे न घेता, जिल्हा परिषद शाळा आणि अंगणवाड्यांच्या विकासावर पूर्ण लक्ष केंद्रित केले जाणार आहे. जळगाव जिल्हा परिषद आणि जिल्हाधिकारी यांनी जिल्ह्यातील सर्व आमदारांच्या संमतीने याबाबत एक विशेष आराखडा तयार केला आहे. या योजनेअंतर्गत आगामी ३ वर्षांत जळगाव जिल्ह्यातील शाळा आणि अंगणवाड्यांना ‘मॉडेल स्कूल’ बनवले जाणार आहे. यासाठी तब्बल ९९ कोटी रुपयांचा जनसुविधेचा निधी वापरला जाणार असून, यामध्ये नवीन शाळा इमारतींचे बांधकाम, जुन्या इमारतींची दुरुस्ती, शुद्ध पिण्याचे पाणी आणि अद्ययावत स्वच्छतागृहांची व्यवस्था करण्यावर विशेष भर दिला जाईल.
Gulabrao Patil Announcement: शेतीचे पंचनामे, पाणी नियोजन आणि विरोधकांना थेट आव्हान
जिल्ह्यात अतिवृष्टीमुळे झालेल्या पिकांच्या नुकसानीचे ७० टक्क्यांहून अधिक पंचनामे पूर्ण झाले आहेत. ज्या शेतकऱ्यांची पिके पूर्णपणे वाहून गेली आहेत, तिथे नुकसानीचा फोटो काढणे शक्य नसल्यास फोटोची अट शिथिल करण्याचे स्पष्ट आदेश प्रशासनाला देण्यात आले आहेत, जेणेकरून आपद्ग्रस्त शेतकऱ्यांना तात्काळ मदत मिळू शकेल.
पिण्याच्या पाण्याचे नियोजन व गळती दुरुस्ती:
गिरणा धरणामध्ये पिण्यासाठी आरक्षित केलेल्या पाण्यापेक्षा बाष्पीभवनामुळे जास्त पाणी वाया जाण्याची शक्यता आहे. त्यामुळे पिण्याचे पाणी राखून रब्बी हंगामासाठी शेतीला पाणी देता येईल का, याचा निर्णय घेण्यासाठी पुढील आठवड्यात सर्व आमदार व खासदारांची विशेष बैठक बोलावण्यात आली आहे. तसेच, वाघूर धरणाच्या २२ पैकी ११ दरवाजांमधून होत असलेल्या पाणी गळतीची गंभीर दखल घेण्यात आली असून, जलसंपदामंत्री गिरीश महाजन यांच्याशी चर्चा करून तात्काळ दुरुस्तीचे आदेश दिले जातील.
‘जलजीवन मिशन’ भ्रष्टाचाराच्या आरोपांवर कडक इशारा:
‘जल जीवन मिशन’ योजनेत भ्रष्टाचार होत असल्याच्या विरोधकांच्या आरोपांचा खरपूस समाचार घेताना गुलाबराव पाटील म्हणाले, "जळगाव जिल्ह्यात अद्याप एकाही पाण्याचा टँकर सुरू करण्याची वेळ आलेली नाही. तसेच, कोणत्याही ठेकेदाराचे बिल ‘थर्ड पार्टी इन्स्पेक्शन’ (TPI) झाल्याशिवाय काढलेले नाही. विरोधकांनी भ्रष्टाचाराचा असा एक जरी प्रकार सिद्ध करून दाखवला, तर मी आजच माझ्या पदाचा राजीनामा देईन." ज्या ठेकेदारांनी कामे पूर्ण न करता बिले उचलण्याचा प्रयत्न केला असेल, त्यांच्यावर थेट फौजदारी गुन्हे दाखल करून त्यांना ब्लॅकलिस्ट केले जाईल, असा कडक इशारा देत त्यांनी विरोधकांनी टीका करण्यापूर्वी अभ्यास करावा असा टोलाही लगावला.
