रत्नागिरी व चिपळूणमधील एटीएस प्रकल्प लांबणीवर; गैरसोय टाळण्यासाठी वाहनधारकांनी त्वरित नूतनीकरण करण्याचे आवाहन
रत्नागिरी :
Ratnagiri RTO Fitness Passing संदर्भात जिल्ह्यातील वाहनधारकांसाठी अत्यंत महत्त्वाची बातमी समोर येत आहे. शासकीय धोरणानुसार येत्या १ नोव्हेंबरपासून परिवहन संवर्गातील वाहनांचे योग्यता प्रमाणपत्र (फिटनेस) नूतनीकरण तसेच खाजगी संवर्गातील वाहनांचे नोंदणी नूतनीकरणाचे कामकाज केवळ स्वयंचलित चाचणी केंद्रांमार्फत (Automated Testing Station – ATS) करण्याचे स्पष्ट निर्देश देण्यात आले आहेत. मात्र, रत्नागिरी जिल्ह्यात या प्रकल्पाची उभारणी अद्याप अपूर्ण असल्याने १ नोव्हेंबरपासून आरटीओतील फिटनेस पासिंग आणि नोंदणीचे काम पूर्णपणे ठप्प होण्याची भीती निर्माण झाली आहे.
रत्नागिरी व चिपळूण येथे एटीएस उभारणीचे काम सुरू
या नवीन नियमाच्या अंमलबजावणीसाठी रत्नागिरी व चिपळूण येथे ‘एटीएस’ (ATS) उभारण्याचे काम सध्या प्रगती पथावर आहे. सदर प्रकल्प ‘मे. रोझमार्टा टेक्नॉलॉजीज लि.’ यांच्यामार्फत उभारण्यात येत आहे. तथापि, सद्यस्थितीत सुरू असलेल्या कामाची संथ प्रगती लक्षात घेता हा संपूर्ण प्रकल्प पूर्ण क्षमतेने उभारण्यासाठी किमान १ ते ३ महिन्यांचा कालावधी लागण्याची शक्यता वर्तवली जात आहे.
इतर जिल्ह्यात जाण्याची ओढावू शकते वेळ; उपप्रादेशिक परिवहन विभागाचे आवाहन
१ नोव्हेंबरपर्यंत प्रकल्प उभारणी पूर्ण न झाल्यास जिल्ह्यातील परिवहन व खाजगी वाहनांचे फिटनेस पासिंग व नोंदणी नूतनीकरणाचे कामकाज ठप्प होणार आहे. त्यामुळे स्थानिक वाहनधारकांना पासिंगसाठी इतर जिल्ह्यांमध्ये धाव घ्यावी लागण्याची शक्यता आहे. ही संभाव्य गैरसोय टाळण्यासाठी ज्या वाहनांची वैधता संपली आहे किंवा येत्या काळात संपणार आहे, अशा सर्व वाहनधारकांनी त्वरित अर्ज करून अपॉइंटमेंट घ्यावी आणि वेळेत वैधता वाढवून घ्यावी, असे आवाहन उपप्रादेशिक परिवहन विभागाच्या वतीने करण्यात आले आहे.
Meta Description
रत्नागिरी आरटीओतील फिटनेस पासिंग १ नोव्हेंबरपासून बंद होण्याची शक्यता. एटीएस केंद्र अपूर्ण असल्याने वाहनधारकांनी त्वरित नूतनीक
