विविध स्थानके आणि कार्यालयांमध्ये स्वच्छता मोहीम; प्रवासी व नागरिकांमध्ये स्वच्छतेचा संदेश
Konkan Railway Cleanliness Drive अंतर्गत देशभरात राबवण्यात येत असलेल्या स्वच्छता मोहिमेला प्रतिसाद देत कोकण रेल्वेच्या वतीने विविध उपक्रमांचे आयोजन केले जात आहे. कोकण रेल्वेच्या मार्गावरील विविध रेल्वे स्थानके, प्रशासकीय कार्यालये आणि परिसर स्वच्छ ठेवण्यासाठी या विशेष अभियानांतर्गत व्यापक मोहीम राबवण्यात येत आहे. या अभियानात केवळ रेल्वे कर्मचारीच नव्हे, तर विविध शाळा, महाविद्यालये आणि स्थानिक सामाजिक संस्थांचाही मोठ्या प्रमाणावर सहभाग लाभाला आहे.
रेल्वे स्थानकांवर दररोज प्रवास करणाऱ्या हजारो प्रवाशांना स्वच्छतेचे महत्त्व पटवून देण्यासाठी आणि लोकांमध्ये नागरी जनजागृती निर्माण करण्यासाठी कोकण रेल्वेच्या वतीने प्रभात फेऱ्यांचे आयोजन केले जात आहे. नुकतेच कोकण रेल्वेच्या रत्नागिरी विभागीय कार्यालयातील कर्मचारी आणि वरिष्ठ अधिकाऱ्यांच्या वतीने एका विशेष ‘स्वच्छता जनजागृती यात्रे’चे आयोजन करण्यात आले होते. या फेरीत रेल्वेचे अधिकारी आणि कर्मचारी मोठ्या संख्येने सहभागी झाले होते.
या जनजागृती यात्रेदरम्यान रत्नागिरी परिसर स्वच्छ ठेवण्यासाठी आणि कचऱ्याची योग्य विल्हेवाट लावण्यासाठी नागरिकांना व प्रवाशांना प्रोत्साहित करण्यात आले. आपला परिसर आणि रेल्वे मालमत्ता स्वच्छ राखणे हे प्रत्येक नागरिकाचे कर्तव्य आहे, हा संदेश या उपक्रमातून देण्यात आला. कोकण रेल्वेच्या या सामाजिक आणि स्वच्छताविषयक पुढाकाराचे प्रवासी वर्ग तसेच स्थानिक नागरिकांकडून कौतुक केले जात आहे.
